மைக்ரோவேவ் மைசூர் பாக் - Microwave Mysorepak

மைசூர்பாக்கா…யாருக்கு இப்போ இதனை செய்ய நேரம் இருக்கு…கூடவே இதனை கிளறுவதற்குள் கை வலியான வலி..என்னால் முடியாதுப்பா… என்று சாக்குகள் சொல்லாமல் இருக்கு..ஒரு முறை இந்த முறையில் செய்து பாருங்கள்…

அனைவரும் மிகவும் எளிதில் செய்ய கூடிய மைசூர்பாக்…வெறும் 5 நிமிடத்தில் மைக்ரோவேவில் மைசூர்பாக் ரெடி…

சமைக்க தேவைப்படும் நேரம் : 5 நிமிடங்கள்

தேவையான பொருட்கள் :

· கடலை மாவு – 1 கப்

· பொடித்த சக்கரை – 2 கப்

· நெய் – 1 கப்

· ஏலக்காய் – 2

· பால் – 2 மேஜை கரண்டி

செய்முறை :

v கடலை மாவினை வாசனை வரும் வரை கடாயில் போட்டு நன்றாக வறுத்து ஆறவைத்து கொள்ளவும். இதனை கட்டியில்லாமல் சலித்து வைக்கவும். பாலில் ஏலக்காயினை பொடித்து போடவும்.

v மைக்ரோவேவ் பாத்திரத்தில் வறுத்த கடலை மாவு + நெய் சேர்த்து 1 நிமிடம் மைக்ரோவேவில் வைக்கவும்.

v பிறகு பாத்திரத்தினை வெளியில் எடுத்து, அத்துடன், பொடித்த சக்கரை சேர்த்து நன்றாக கிளறி மேலும் 2 நிமிடங்கள் மைக்ரோவேவில் வைக்கவும்.

v அதன்பிறகு, திரும்பவும் பாத்திரத்தினை வெளியில் எடுத்து, பால் + ஏலக்காய் சேர்த்து அத்துடன் நன்றாக கலக்கி மேலும் 2 நிமிடம் மைக்ரோவேவில் வைக்கவும்.

v இந்த கலவையினை வெளியில் எடுத்து, ஒரு நெய் தடவிய தட்டில் கொட்டி சமபடுத்தவும்.

v பிறகு விரும்பிய அளவில் துண்டுகளாக போடவும்.

v சுவையான எளிதில் செய்ய கூடிய மைசூர்பாக் ரெடி.

குறிப்பு :

இது Melting Mysorepak போல இல்லாமல் Good Old Fashioned MysorePak போல இருக்கும்.

கடலை மாவினை கண்டிப்பாக வறுத்து கொள்ளவும்.