பார்லி கேழ்வரகு கூழ்(Barley Koozhu)

பலரும் மறந்து போன உணவு பட்டியலில் இந்த கூழும் தனி இடத்தினை பிடித்து இருக்கின்றது.கூழ் மிகவும் சத்தான உணவு.கூழ் உடலிற்கு குளிர்ச்சி.

கூழ் செய்வது மிகவும் சுலபம்…பொதுவாக கூழினை அரிசியினை போட்டு செய்வாங்க..அதே சுவையுடன் பார்லியிலும் இருக்கின்றது.

அரிசி சேர்த்து செய்த கூழில், பாத்திரத்தின் மேல் பகுதி மற்றும் அடிபகுதியில் இருக்கும் கூழ் வரண்ட மாதிரி இருக்கும். அதனால் அதனை நீக்கிவிட்டு கூழினை கரைத்து சாப்பிடுவாங்க.

ஆனால், பார்லி போட்டு செய்யும் கூழில் அப்படி இல்லாமல், பாத்திரத்தின் மேல் பகுதி + அடிபகுதியில் இருக்கும் கூழிம் மிகவும் சுவையாக, வறண்டு போகாமல் இருக்கும்.

சமைக்க தேவைப்படும் நேரம் : 2 நாட்கள்

தேவையான பொருட்கள் :

· பார்லி – 1 கப்

· கேழ்வரகு மாவு – 1 கப்

· உப்பு – 2 தே.கரண்டி

கூழ் கரைக்க :

· வெங்காயம் – 1 மிகவும் பொடியாக நறுக்கியது

· தயிர் – 1 கப்

செய்முறை :

v முதல் நாள் இரவு, கேழ்வரகு மாவினை 2 கப் தண்ணீர் + உப்பு சேர்த்து கரைத்து கொள்ளவும். இதனை அப்படியே வைத்து புளிக்கவிடவும்.

v மறுநாள் மதியம் அல்லது இரவு, பார்லி + 3 கப் தண்ணீர் சேர்த்து பிரஸர் குக்கரில் போட்டு 6 – 7 விசில் வரும் வரை வேகவிடவும்.

v குக்கரில், பிரஸர் அடங்கியதும், முதல் நாள் இரவு கரைத்து வைத்துள்ள கேழ்வரகு கலவையினை இத்துடன் சேர்த்து வேகவிடவும்.

v சுமார் 15 – 20 நிமிடங்கள் மிதமான தீயில் வைத்து வேகவிடவும்.

v இப்பொழுது கூழ் ரெடி. இதனை அப்படியே வைத்துவிட வேண்டும். மறுநாள் காலை அல்லது மதியம் கூழினை கரைத்து கொள்ளவும்.

v கூழ் + வெங்காயம் + தயிர் + தேவையான அளவு தண்ணீர் சேர்த்து கூழினை கரைத்து கொள்ளவும்.

v சுவையான சத்தான கூழ் ரெடி.