அகர வரிசையில் - என் எண்ணங்கள்

திருமதி. மேனகா என்னை அன்புடன் இந்த அகர வரிசையினை எழுத அழைந்து இருந்தாங்க…

அ – அண்ணா + அக்கா இல்லையே என்ற வருத்தம்..நான் தான் வீட்டிற்கு முதல் பொண்ணு…ஆனால் ப்ளாகின் மூலமாக பல அண்ணன்களையும் அக்காகளையும் கிடைக்க பெற்றுள்ளேன்…நன்றி.

ஆ – ஆசையாக இருக்கு என்னுடைய ப்ளாக் நண்பர்களை ஒருமுறையாவது நேரில் சந்திக்க வேண்டுமென்று…

இ – இன்றைய தினம் போல எல்லா தினமும் நிம்மதியுடன் , நல்ல உடல் ஆரோகியத்துடன் இருக்க இறைவனை வேண்டி கொள்கின்றேன்.

ஈ – சும்மா ஈ ஒட்டிகிட்டு……அடுத்தவங்களை பார்த்து பொறாமைபடுவதால் எந்த பயனும் இல்லை…அவரவர் தன்னம்பிக்கையும், விடமுயர்ச்சியினால் மட்டும் நல்ல மதிப்பும் மரியாதையுடன் இந்த உலகத்தில் சிறப்பாக வாழமுடியும்…

உ,ஊ – உண்மையான, உற்சாகம் அளிக்கின்ற, ஊக்கம் கொடுக்கின்ற, நல்லவழியில் நம்மை வழிகாட்டுகின்ற நண்பர் ஒருவர் இருந்தால் போதும்..கண்டிப்பாக அனைவராலும் வாழ்வில் ஜெயித்துவிட வழி உண்டு..எனக்கு கடவுள் தந்து உற்ற உயிர் நண்பாராக என்னுடைய கணவர் இருக்கின்றார்…

எ – என்றைக்கும் தீய வழியில் செல்லாமல், நல்ல குணங்களுடன் வாழ வேண்டும்…

ஏ – வாழ்வில் பல கஷ்டங்களை தாண்டி, வெற்றி பெற்றவர்களின் அறிவுகரைகளை எப்பொழுதும் ஏணி படிகளாக நினைத்து ஏற்று கொள்ளவேண்டும்…

ஐ – கணவன் மனைவி இருவருக்குகிடையில், வாழ்வில் ஐயம் கொண்டால் வாழ்வு நன்றாக அமையாது…

ஒ, ஓ – அனைவருடனும் ஓற்றுமையாக ஒன்றாக வாழவேண்டும் என்று நினைப்பது நல்ல எண்ணம்…ஆனால் அப்படி அமைவது சில சமயம் கஷ்டம் தான்…

ஔ – ஔவை சொல்லில் எனக்கு மிகவும் பிடித்தது பல இருக்கின்றது…அவற்றில் ஒன்று---- ஊக்கமது கைவிடேல்(எந்த ஒரு செயலினை எடுத்து கொண்டாலும், நல்ல முயர்ச்சியுடன் அதனை செய்துவிடவேண்டும்..நடுவில் கைவிடகூடாது…)

ஃ - ???...