ThanksGiving Day - Nov 26th 2009

Happy Thanks Giving .....

இன்று Thanks Giving Day..எங்கள் வீட்டில் நாங்களும் கொண்டாடினோம்...
Akshata Happily Cutting the Chicken..(Oops...Sorry No Turkey...)
Star of Thanks Giving Dinner - Oven Roasted Chicken

Healthy Greens Salad With Garlic Buttered Croûtons - With Warm Chicken Soup


Stuffed Bread
Green Bean Casserole
Buttered Squash
Mashed Potatoes with Brown Gravy
Hot Biscuits
Fruit Salad - Berries ( Black Berry, Rasberry, StrawBerry, Blue Berry...) Pear, Grapes
And Finally Pumpkin Pie.....Along with Apple Cider


Enjoy the dinner...Happy ThanksGiving..


டயட் பிரியாணி கத்திரிக்காய் - Diet Briyani Brinjal



பிரியாணியுடன் சேர்த்து சாப்பிட செய்யும் கத்திரிக்காயா…அதை செய்ய ரொம்ப எண்ணெய் ஊற்ற வேண்டுமே..கூட கத்திரிக்காயினை எண்ணெயில் வேறு பொரிக்க வேண்டுமே என்று எல்லாம் யோசிக்க வேண்டாம்…இந்த செய்முறையில் செய்து பாருங்க…
பொதுவாக பிரியாணிக்கு செய்யும் கத்திரிக்காயினை எண்ணெயில் போட்டு பொரிப்பாங்க. ஆனால், எண்ணெயில் கத்திரிக்காயினை போட்டு ஒருபொழுதும் பொரிக்ககூடாது. அப்படி எண்ணெயில் பொரித்தால் கத்திரிக்காயின் calorie அளவு 3 மடங்காக உயர்ந்து இருக்கும்.
சமைக்க தேவைப்படும் நேரம் : 30 நிமிடங்கள்
தேவையான பொருட்கள் :
· குட்டி கத்திரிக்காய் – 1/2 கிலோ
· எண்ணெய் – 1 தே.கரண்டி
· உப்பு – தேவையான அளவு
முதலில் தாளிக்க :
· எண்ணெய் – 2 தே.கரண்டி
· பட்டை – 1 ,கிராம்பு - 2, ஏலக்காய் – 1
· வெங்காயம் – 1
· இஞ்சி பூண்டு விழுது – 1 தே.கரண்டி
· கருவேப்பில்லை – 4 இலை
சேர்க்க வேண்டிய பொடி வகைகள் :
· மிளகாய் தூள் – 1/2 தே.கரண்டி
· தனியா தூள் – 1/2 தே.கரண்டி
· சீரகம் தூள் – 1/2 தே.கரண்டி
· மஞ்சள் தூள் – 1/4 தே.கரண்டி
அரைத்து கொள்ள வேண்டிய பொருட்கள் :
· வேர்கடலை – சிறிதளவு
· காய்ந்த தேங்காய் துறுவல் – 1 மேஜை கரண்டி
கரைத்து கொள்ள வேண்டியவை :
· புளி – பாதி எலுமிச்சை அளவு
· தண்ணீர் – 1 கப்
செய்முறை :
v குட்டி கத்திரிக்காயினை நான்காக வெட்டவும். கம்பு பக்கம் வெட்டாமல் அதனுடைய எதிர்பக்கம் நான்காக பிளந்து வைக்கவும்.( இப்படி வெட்டும் பொழுது கத்திரிக்காய் உடையாமல் பார்த்து வெட்டவும்.)

v வெங்காயத்தினை மிகவும் பொடியாக நறுக்கி கொள்ளவும். புளியினை தண்ணீர் ஊற்றி கரைத்து வைக்கவும்.
v வேர்க்கடலையினை நன்றாக வறுத்து கொள்ளவும். தேங்காய் துறுவல் + வறுத்த வேர்க்கடலை + சிறிது தண்ணீர் சேர்த்து மைய அரைத்து கொள்ளவும். (வேர்க்கடலையின் தோலுடனே சேர்த்து அரைக்கலாம்.)

v நான்காக பிளந்து வைத்துள்ள கத்திரிக்காயினை, 1 தே.கரண்டி எண்ணெய் ஊற்றி ஒரு நாண்-ஸ்டிக் பனில் 2 - 3 நிமிடங்கள் அதிக தீயில் வைத்து வதக்கி கொள்ளவும். இதனை தனியாக எடுத்து வைக்கவும்.

v அதே நாண்-ஸ்டிக் கடாயில், முதலில் தாளிக்க கொடுத்துள்ள பொருட்களில்,எண்ணெய் ஊற்றி பட்டை+ கிராம்பு + ஏலக்காய் சேர்த்து தாளித்து பின் வெங்காயம்+ கருவேப்பில்லை போட்டு வதக்கவும்.
v வெங்காயம் சிறிது வதங்கியவுடன் இஞ்சி பூண்டு விழுது சேர்த்து நன்றாக வதக்கவும்.
v இத்துடன் சேர்க்க வேண்டிய பொடிவகைகளை சேர்த்து 1 நிமிடம் வதக்கி, அத்துடன் 1/4 கப் தண்ணீர் ஊற்றி 2 நிமிடங்கள் வேகவிடவும்.
v அதன்பின்னர், அரைத்து வைத்துள்ள கலவை + உப்புவினை இதில் சேர்த்து 3 நிமிடங்கள் வேகவிடவும்.
v இப்பொழுது கரைத்து வைத்துள்ள புளி சேர்த்து மேலும் 5 நிமிடங்கள் வேகவிடவும்.
v கடைசியில் வதக்கி வைத்துள்ள கத்திரிக்காயினை போட்டு மேலும் 5 நிமிடங்கள் வேகவிடவும்.

v சுவையான எளிதில் செய்ய கூடிய பிரியாணி கத்திரிக்காய் ரெடி. இதனை புலாவ், பிரியாணி,சாதம்,சாப்பத்தியுடன் சேர்த்து சாப்பிட சுவையாக இருக்கும்.

பார்லி தோசை - Barley Dosai




சமைக்க தேவைப்படும் நேரம் : 5 நிமிடங்கள் (மாவு புளித்தபிறகு)

தேவையான பொருட்கள் :
· பார்லி மாவு – 2 கப்
· உளுத்தம் பருப்பு – 3/4 கப்
· உப்பு – 1 தே.கரண்டி
செய்முறை :
v உளுத்தம் பருப்பினை குறைந்தது 1 மணி நேரமாவது ஊறவைக்கவும்.
v ஊறவைத்த உளுத்தம் பருப்பினை, இட்லிக்கு அரைப்பது போல மைய அரைத்து கொள்ளவும்.
v பார்லி மாவுடன் சிறிது தண்ணீர் சேர்த்து கெட்டியாக கரைத்து கொள்ளவும்.
v கரைத்த வைத்த பார்லி மாவுடன் உப்பு + அரைத்து உளுத்தம் மாவினை சேர்த்து நன்றாக இட்லி மாவு பதத்திற்கு கலக்கவும்.(மிகவும் தண்ணீயாக கரைத்துவிட வேண்டாம்.)
v இதனை குறைந்தது 6 – 8 மணி நேரம் வைத்து புளிக்கவிடவும். ( இந்த மாவுக் புளிக்க , அரிசி மாவினை விட கொஞ்சம் நேரம் எடுக்கும்.)
v புளித்த மாவினை, தோசையாக ஊற்றவும்.

v சுவையான சத்தான பார்லி தோசை ரெடி.


கவனிக்க :
இதே மாவினை இட்லியும் செய்யலாம். மிகவும் சுவையாக இருக்கும்.

பார்லி மாவு கிடைக்கவில்லை என்றால், பார்லியினை ஊறவைத்து அரிசியினை அரைத்துப்பது போல அரைத்து கொள்ளவும்.

மாங்காய் இஞ்சி ஊறுகாய் - Mango Ginger Pickle / Mankai Inji


மாங்காய் இஞ்சி – இதனை இஞ்சி என்றோ அல்லது மாங்காய் குடும்பத்தினை சேர்ந்தது என்றோ தான் நாம் அனைவரும் நினைத்து கொண்டு இருக்கின்றோம்..இதனை வெட்டும் பொழுது மாங்காய் போல் வாசனையாகவும், பார்ப்பதற்கு இஞ்சி போலவும் இருக்கும். ஆனால் உண்மையில் இது மஞ்சள் (Turmeric) குடும்பத்தினை சேர்ந்தது.

இதனை சாப்பிடுவதால் அஜீரண கோளாறு, ஆஸ்துமா, அலர்ஜி, தோல் வியாதி போன்றவை குணமடையும்.

சமைக்க தேவைப்படும் நேரம் : 30 நிமிடங்கள்

தேவையான பொருட்கள் :

· மாங்காய் இஞ்சி – 1/2 கிலோ

· நல்லெண்ணெய் , உப்பு – தேவையான அளவு

· மிளகாய் தூள் – 2 மேஜை கரண்டி

· மஞ்சள் தூள் – 1/2 தே.கரண்டி

· பெருங்காயம் தூள் – சிறிதளவு

· எலுமிச்சை பழம் – 1 பெரியது

வறுத்து அரைத்து கொள்ள :

· கடுகு – 1/4 தே.கரண்டி

· வெந்தயம் – 1 தே.கரண்டி

கடைசியில் தாளிக்க :

· நல்லெண்ணெய் – 1 தே.கரண்டி

· கருவேப்பில்லை – சிறிது

செய்முறை :

v மாங்காய் இஞ்சியினை தோல் நீக்கி சுத்தம் செய்து கொள்ளவும்.

v சுத்தம் செய்த மாங்காய் இஞ்சியினை துறுவி வைக்கவும். ( 1/2 கிலோ மாங்காய் இஞ்சிக்கு சுமார் 2- 2 1/2 கப் துறுவல் கிடைக்கும். ) எலுமிச்சை பழத்தில் இருந்து சாறினை பிழிந்து கொள்ளவும்.

v கடாயில், கொஞ்சம் நல்லெண்ணெய் ஊற்றி காய்ந்ததும், மாங்காய் இஞ்சி துறுவல் + மஞ்சள் தூள் + உப்பு சேர்த்து குறைந்த தீயில் நன்றாக வதக்கவும்.(இடையிடையே சிறிது நல்லெண்ணெய் சேர்த்து வதக்கவும்.)

v ஒரு தாளிப்பு கடாயில், கடுகு + வெந்தயம் சேர்த்து வறுத்து கொள்ளவும்.

v வறுத்த பொருட்கள் + மிளகாய் தூள் + பெருங்காயம் தூள் சேர்த்து மிக்ஸியில் நன்றாக பொடித்து கொள்ளவும்.

v மாங்காய் இஞ்சி நன்றாக வதங்கியதும், எலுமிச்சை சாறு + பொடித்து வைத்துள்ள பொடியினை சேர்த்து கிளறி 2 – 3 நிமிடங்கள் வதக்கவும்.

v கடைசியில் தாளிக்க கொடுத்துள்ள பொருட்களை தாளித்து இதில் சேர்த்து கிளறவும். சுவையான மாங்காய் இஞ்சி ஊறுகாய் ரெடி.

கவனிக்க :

இந்த ஊறுகாயினை உடனே சாப்பிடலாம். இதனை 1 வாரம் வரை வெளியில் வைத்து சாப்பிடலாம். ப்ரிஜில் வைத்தால் 1 மாதம் வரை கூட நன்றாக இருக்கும்.

ஸ்டஃப்டு கோவைக்காய் - Stuffed Kovaikkai - Tindora


சக்கரை நோயளிகளுக்கு (Diabetics) இந்த காயினை வாரத்திற்கு 2 – 3 முறை மதிய உணவில் சேர்த்து கொள்வது மிகவும் நல்லது.சக்கரை கட்டுபாட்டில் இருக்கும். மிகவும் குளுமை என்பதால் இரவு நேரத்திற்கு சாப்பிட வேண்டாம்.


கோவைக்காயினை சாப்பிட்டால் வந்த வாய்புண் காணாமல் போய்விடும். இதனை தொண்டைக்காய் என்றும் சொல்லுவார்கள்.


சமைக்க தேவைப்படும் நேரம் : 30 நிமிடங்கள்
தேவையான பொருட்கள் :
· கோவைக்காய் – 1/2 கிலோ ( சுமார் 30 – 40 காய்கள்)
· உப்பு – 1 தே.கரண்டி
· எண்ணெய் – 1 மேஜை கரண்டி (அல்லது Cooking Spray)
ஸ்டஃப்பிங் செய்ய தேவையான பொருட்கள் :
· கடலை பருப்பு – 2 மேஜை கரண்டி
· உளுத்தம் பருப்பு – 2 மேகை கரண்டி
· கொள்ளு – 2 மேஜை கரண்டி
· காய்ந்த மிளகாய் – 4
· சீரகம் – 1/2 தே.கரண்டி
· மஞ்சள் தூள் – 1/4 தே.கரண்டி
· எலுமிச்சை பழம் – 1
· பெருங்காயம் தூள் – சிறிதளவு
· உப்பு – 1 தே.கரண்டி
· எண்ணெய் – 1 தே.கரண்டி
செய்முறை :
v முதலில் அவனை 400F மூற்சூடு செய்து கொள்ளவும். கோவைக்காயினை கழுவி, நன்காக நடுவில் மட்டும் வெட்டி கொள்ளவும்.உப்பு + எண்ணெய் போட்டு கலந்து கொள்ளவும்.
ஸ்டஃப்பிங் செய்ய :
v கடாயில் 1 தே.கரண்டி எண்ணெய் ஊற்றி கடலை பருப்பு + உளுத்தம் பருப்பு + கொள்ளு + காய்ந்த மிளகாய் ஒவ்வொன்றாக தனிதனியாக வறுத்து கொள்ளவும்.
v வறுத்த பொருட்களை சிறிது நேரம் ஆறவிட்டு, அத்துடன் சீரகம் + மஞ்சள் தூள் + பெருங்காயம் தூள் சேர்த்து பொடித்து கொள்ளவும்.
v பொடித்த பொடியுடம் எலுமிச்சை சாறு + உப்பு சேர்த்து கெட்டியாக பிசைந்து கொள்ளவும். இப்பொழுது ஸ்டஃப்பிங் ரெடி.
v இந்த ஸ்டஃப்பிங்கினை, சிறிது சிறிதாக எடுத்து வெட்டி வைத்துள்ள கோவைக்காயின் நடுவில் வைக்கவும்.(ஸ்டஃப்பிங் வெளியில் வராமல் பார்த்து கொள்ளவும்.) இப்படியே ஒவ்வொன்றாக ஸ்டஃப்பிங் செய்யவும்.

இப்பொழுது ஸ்டஃப்பிங் செய்த கோவைக்காய் ரெடி.
v இதனை அவனில் வைக்கும் ட்ரேயில் அடுக்கவும். மூற்சுடு செய்ய அவனில், 10 நிமிடங்கள் வைக்கவும்.

v 10 நிமிடங்கள் கழித்து அவனில் இருந்து ட்ரேயினை வெளியில் எடுத்து, கோவைக்காயினை திருப்பிவிடவும். இதனை திரும்பவும் அவனில் வைத்து மேலும் 5 – 8 நிமிடங்கள் வேகவைக்கவும்.

சுவையான சத்தான ஸ்டஃப்டு கோவைக்காய் ரெடி.

கவனிக்க :
Cooking spray உபயோகித்தால், கோவைக்காயினை அவனில் வைக்கும்முன் sprayசெய்தால் போதுமானது.
இதே போல, வெண்டைக்காய், கத்திரிக்காயில் செய்தாலும் சுவையாக இருக்கும்.
Oven இல்லாதவர்கள், இதனை கடாயில் போட்டு செய்யலாம். சுவையாக இருக்கும்.(என்ன…சிறிது எண்ணெய் கூடுதலாக சேர்க்க வேண்டும்…அவ்வளவு தான்..)

ஒட்ஸ் கத்திரிக்காய் ப்ரை - Oats Eggplant Fry



சமைக்க தேவைப்படும் நேரம் : 15 நிமிடங்கள்
தேவையான பொருட்கள் :
· பெரிய கத்திரிக்காய் (Eggplant ) – 1
· ஒட்ஸ் – 1/2 கப்
· மிளகாய் தூள் – 1 தே.கரண்டி
· மஞ்சள் தூள் – 1/4 தே.கரண்டி
· உப்பு – 1/2 தே.கரண்டி
· எண்ணெய் – சிறிதளவு
செய்முறை :
v ஒட்ஸினை மிக்ஸியில் பொடித்து கொள்ளவும்.
v பொடித்த ஒட்ஸ் + மிளகாய் தூள் + மஞ்சள் தூள் + உப்பு சேர்த்து கலந்து கொள்ளவும்.
v கத்திரிக்காயினை அரை இன்ச் அளவிற்கு வட்டவடிவமாக வெட்டி வைக்கவும்.
v வெட்டி வைத்துள்ள கத்திரிக்காய், ஒவ்வொன்றாக கலந்து வைத்துள்ள மாவில் நன்றாக இரண்டுபக்கமும் பிரட்டி வைக்கவும்.

v தோசைகல்லினை காயவைத்து, கத்திரிக்காயினை சிறிது எண்ணெய் ஊற்றி வறுத்து எடுக்கவும்.

v சுவையான எளிதில் செய்ய கூடிய ஒட்ஸ் கத்திரிக்காய் ப்ரை ரெடி.

கவனிக்க:
கத்திரிக்காய் அதிக எண்ணெய் இழுக்கும். அதனால் ஒருபொழுதும் கத்திரிக்காயினை எண்ணெயில் போட்டு பொரிக்க கூடாது.
அவரவர விருப்பதிற்கு எற்றாற் போல மிளகு தூள், கரம்மசாலா என்று சேர்த்து கொள்ளலாம்.

காரமெல் கோதுமை கேசரி - Caramel Wheat Kesari


கலர்பவுடர் இல்லயே…கேசரி எப்படி செய்வது…வெள்ளை நிறத்தில் இருந்தால் அதனை யாரும்விரும்பி சாப்பிடமாட்டாங்க…அப்படி இருக்கும் சமயங்களில் இந்த காரமெல் கேசரியினை ஒருமுறை ட்ரை செய்து பாருங்கள்…அப்புறம் என்ன கேசரி கலர் இருந்தாலும் கூட உங்கள் வீட்டில் எப்பொழுதும் இந்த காரமெல் கேசரி தான் போங்க…

சக்கரையினை வெறுமனே தண்ணீர் சேர்க்காமல், கடாயில் வறுத்து செய்யவேண்டும். குழந்தைகளுக்கு மிகவும் பிடித்த ஒரு ஸ்வீட்..

இதனை கோதுமை ரவையில் செய்து இருக்கின்றேன்..இதனை ரவையில் செய்தாலும் சுவையாக இருக்கும்.

சமைக்க தேவைப்படும் நேரம் : 15 நிமிடங்கள்

தேவையான பொருட்கள் :

· கோதுமை ரவை – 1 கப்

· சக்கரை – 1 கப்

· நெய் – 2 மேஜை கரண்டி

· பால் – 2 கப்

· ஏலக்காய் – 1

வறுத்து சேர்க்க :

· நெய் – 1 தே.கரண்டி

·முந்திரி, திரட்சை- சிறிதளவு

செய்முறை :

v ரவையினை கடாயில் போட்டு 2 – 3 நிமிடங்கள் வறுத்து தனியாக எடுத்துகொள்ளவும்.

v ஒரு பாத்திரத்தில் பாலினை தனியாக காய்ச்சவும்.

v பின் அதே கடாயில் சக்கரை போட்டு மிதமான தீயில் வறுக்கவும். (தண்ணீரை சேர்க்க கூடாது.)

v சக்கரை சிறிதுசிறிதாக கரைந்து, கருப்பு தேன் கலர் போல ஆகும் வரை வறுக்கவும்.

v சக்கரை நிறம்மாறியதும், சுடான பால் + நெய் சேர்த்து ஊற்றவும். ( கவனிக்க: இப்பொழுது Bubbles நிறைய பொங்கி வரும். அதனால் பெரிய பாத்திரத்தில் செய்தால் நல்லது. ).

v Bubbles குறைந்ததும் ரவையினை சேர்த்து நன்றாக கிளறவும்.

v ஒரு தாளிப்பு கடாயில், நெய் ஊற்றி முந்திரி + திராட்சையினை வறுத்து கொள்ளவும்.

v ரவை நன்றாக வெந்தபிறகு, ஏலக்காய் + வறுத்த முந்திரி, திராட்சையினை சேர்த்து கிளறவும்.

v சுவையான எளிதில் செய்ய கூடிய காரமெல் கோதுமை கேசரி ரெடி.

கவனிக்க :

v சக்கரையினை கடாயில் போட்டு வறுக்கும் பொழுது கலர் மாறும் வரை பார்த்து கொள்ளவும்.

v பால் சூடாக இருக்க வேண்டும். அப்பொழுது தான், காரமெலில் (வறுத்த சக்கரையில்) சேர்க்கும் பொழுது திரும்பவும் காரமெல் கட்டியாகி கொள்ளலாமல் இருக்கும்.

v சக்கரை கலர்மாறியவுடன், பால் + நெய் சேர்த்து கொள்ளவும். அப்பொழுது, பொங்கி வருவது போல இருக்கும். அதனால் கொஞ்சம் பெரிய பாத்திரம் உபயோகிப்பது நல்லது.

v நாம் எப்பொழுதும் செய்யும் கேசரிக்கு கிளறுவது போல, கிளறிக்க கொண்டே இருக்க வேண்டாம். ஒண்றிடண்டு முறை கிளறினால் போதுமானது.

Related Posts Plugin for WordPress, Blogger...