இரால் வறுவல் - Shrimp Varuval

சமைக்க தேவைப்படும் நேரம் : 20 – 25 நிமிடங்கள்

தேவையான பொருட்கள் :

·         இரால் – 1/4 கிலோ

·         வெங்காயம் – 2

·         எண்ணெய் – 2 மேஜை கரண்டி

·         சோம்பு தூள் – 1 மேஜை கரண்டி

சேர்க்க வேண்டிய தூள் வகைகள் :

·         மஞ்சள் தூள் – 1/4 தே.கரண்டி

·         மிளகாய் தூள் – 1 தே.கரண்டி

·         உப்பு – தேவையான அளவு

அரைத்து கொள்ள :

·         தேங்காய் – சிறிதளவு( 2 சிறிய துண்டுகள்)

செய்முறை :

v  இராலினை நன்றாக சுத்தம் செய்து கொள்ளவும்.வெங்காயத்தினை மிகவும் பொடியாக நறுக்கி வைக்கவும்.தேங்காயினை நன்றாக மைய அரைத்து கொள்ளவும்.

v  கடாயில் எண்ணெய் ஊற்றி காய்ந்த்தும், சோம்பு தூள் சேர்த்து தாளித்து பின்,வெங்காயம் + தூள் வகைகள் சேர்த்து நன்றாக வதக்கவும்.

v  வெங்காயம் நன்றாக வதங்கிய(சுமார் 10 நிமிடம் கழித்து) பின், இராலினை இத்துடன் சேர்க்கவும்.

v  இரால் முக்கால்வாசி வெந்தவுடன், அரைத்த தேங்காய் விழுதினை இத்துடன் சேர்த்து நன்றாக கிளறவும்.

v  தண்ணீர் வற்றும் வரை வேகவிடவும். சுவையான இரால் வறுவல் ரெடி.

 

கவனிக்க:

v  இதில் சோம்பு தூள் தான் முக்கியம்..சோம்பு தூள் சேர்ப்பதால் மிகவும் சுவையாக இருக்கும். அதிக மசாலா பொருட்கள் சேர்க்காத வறுவல்.

v  இந்த வறுவலில் சிறிதும் தண்ணீர் சேர்க்க கூடாது.

v  தேங்காய் அரைக்கும் பொழுது வேண்டுமானால், சிறிது தண்ணீர் சேர்த்து அரைத்து கொள்ளலாம்.

பெரிய சைஸ் இரால் என்றால், இரால் பாதிவெந்த பிறகு தேங்காய் விழுதினை சேர்க்கவேண்டும். அதுவே சிறிய சைஸ் என்றால், தேங்காய் விழுதினை இராலுடனே சேர்த்து கொள்ளவும்.