ஓட்ஸ் டோஃபு உருண்டை - Oats Tofu Balls

சமைக்க தேவைப்படும் நேரம் : 20 நிமிடங்கள்

தேவையான பொருட்கள் :

·         ஒட்ஸ் – 1 கப் பொடித்தது

·         டோஃபு – 1/2 கப்

·         உப்பு – தேவையான அளவு

தாளித்து சேர்க்க :

·         எண்ணெய் – 1 தே.கரண்டி

·         கடுகு – 1/2 தே.கரண்டி

·         உளுத்தம் பருப்பு – 1 தே.கரண்டி

·         கீரை – 1 கப் (விரும்பினால்)

·         பச்சை மிளகாய் – 2

செய்முறை :

·         கீரை + பச்சை மிளகாயினை பொடியாக நறுக்கி கொள்ளவும். கடாயில் எண்ணெய் ஊற்றி கடுகு + உளுத்தம் பருப்பு தாளித்து கீரை+ பச்சை மிளகாயினை சேர்த்து 1 நிமிடம் வதக்கி கொள்ளவும்.

·         ஒட்ஸ் + டோஃபு + தாளித்த பொருட்கள் + உப்பு சேர்த்து நன்றாக சாப்பத்தி மாவு பதத்திற்கு பிசைந்து கொள்ளவும்.       சிறிய சிறிய உருண்டைகளாக உருட்டி கொள்ளவும்.

·         இதனை இட்லிபானையில் வைத்து 8 – 10 நிமிடங்கள் வேகவிடவும்.

·         சுவையான சத்தான உருண்டைகள் ரெடி.

கவனிக்க :

மாவு பிசையும் பொழுது தண்ணீர் சேர்க்க தேவையில்லை…

இதில் Spinach கீரையினை உபயோகிப்பதற்கு பதிலாக Collard Greens, Turnip Greens போன்ற கீரைகளினை சேர்த்தால் கூடுதல் சுவையுடன் இருக்கும்.