கப்ஸிகம் பிரவுன் ரைஸ் - Capsicum Brown Rice

குடைமிளகாயில் அதிக அளவு விட்டமின்ஸ் மற்றும் நார்சத்து இருக்கின்றது…

இதனை அடிக்கடி உணவில் சேர்த்து கொள்வது மிகவும் அவசியம்…பச்சைகலர் குடைமிளகாயினை விட சிவப்பு கலர் குடைமிளகாயில் அதிக அளவு சத்துகள் இருக்கின்றது…

சமைக்க தேவைப்படும் நேரம் : 15 நிமிடங்கள்

தேவையான பொருட்கள் :

     குடைமிளகாய் – 2

     வேகவைத்த பிரவுன் ரைஸ் – 2 கப்

     மஞ்சள் தூள் – 1/2 தே.கரண்டி

     உப்பு – தேவையான அளவு

முதலில் தாளிக்க :

·         எண்ணெய் – 1 மேஜை கரண்டி

·         கடுகு – தாளிக்க

·         கடலைப்பருப்பு – 1 தே.கரண்டி

வறுத்து பொடித்து கொள்ள :

·         தனியா – 2 மேஜை கரண்டி

·         உளுத்தம்பருப்பு – 2 மேஜை கரண்டி

·         காய்ந்த மிளகாய் – 6

·         வேர்க்கடலை – 2 மேஜை கரண்டி

கடைசியில் சேர்க்க :

·         கொத்தமல்லி – சிறிதளவு பொடியாக நறுக்கியது

செய்முறை :

குடைமிளகாயினை பெரிய பெரிய துண்டுகளாக வெட்டி கொள்ளவும்.

தனியா + உளுத்தம்பருப்பு + காய்ந்தமிளகாய் + வேர்க்கடலை ஒவ்வொன்றாக தனி தனியாக வறுத்து கொண்டு அனைத்து பொருட்களையும் சேர்த்து பொடித்து கொள்ளவும்.

கடாயில் எண்ணெய் ஊற்றி கடுகு + கடலைப்பருப்பு சேர்த்து தாளித்து, குடைமிளகாய் + மஞ்சள் தூள் + உப்பு சேர்த்து முக்கால்பாகம் வதக்கி கொள்ளவும்.

பொடித்ததையும் குடைமிளகாயில் சேர்த்து 2 – 3 நிமிடங்கள் வதக்கவும்.

கடைசியில் சாதம் + கொத்தமல்லியும் இத்துடன் சேர்த்து கிளறவும்.

சுவையான சத்தான கப்ஸிகம் சாதம் ரெடி.

இதனை சிப்ஸ், வறுவலுடன் சாப்பிட சுவையாக இருக்கும்.