கர்நாடகா லெமன் ரைஸ் - Karnataka Lemon Rice

எப்பொழுதும் செய்யும் எலுமிச்சை சாதத்தினை விட இது சிறிது வித்தியசமாக இருக்கும். திருமதி. மகியின் குறிப்பினை பார்த்து செய்தது….மிகவும் சூப்பராக இருக்கும்…நீங்களும் செய்து பார்த்துவிட்டு சொல்லுங்க…

சமைக்க தேவைப்படும் நேரம் : 5 நிமிடங்கள்

தேவையான பொருட்கள் :

·         வேகவைத்த பிரவுன் ரைஸ் – 2 கப்

·         எலுமிச்சை பழம் – 1

·         மஞ்சள் தூள் – 1/2 தே.கரண்டி

·         உப்பு – தேவையான அளவு

அரைத்து கொள்ள :

·         கொத்தமல்லி – 1/4 கட்டு

·         பச்சை மிளகாய் – 3

·         இஞ்சி – சிறிய துண்டு

தாளிக்க :

·         எண்ணெய் – 2 தே.கரண்டி

·         கடுகு – தாளிக்க

·         உளுத்தம்பருப்பு – 2 தே.கரண்டி

·         கருவேப்பில்லை – 5 இலை

செய்முறை :

·         அரைக்க கொடுத்துள்ள பொருட்களை மிக்ஸியில் போட்டு ஒன்றிரண்டாக தட்டி கொள்ளவும். (மைய அரைக்க கூடாது.)

·         எலுமிச்சை சாறு எடுத்து கொள்ளவும்.

·         கடாயில் எண்ணெய் ஊற்றி கடுகு + உளுத்தம்பருப்பு + கருவேப்பில்லை போட்டு தாளித்து அத்துடன் அரைத்த கலவையினை போட்டு அரை நிமிடம் வதக்கவும்.

·         கடைசியில் எலுமிச்சை சாறு + மஞ்சள் தூள் + உப்பு சேர்த்து  கலக்கவும்.

·         இந்த கலவையினை சாதத்துடன் சேர்த்து கிளறவும்.

·         சுவையான வித்தியசமான மெலன் ரைஸ் ரெடி. இதனை வறுவல், சிப்ஸ் போன்றவுடன் சாப்பிட சுவையாக இருக்கும்.

குறிப்பு :

பொதுவாக கர்நாடகா ஸ்டைலில் எலுமிச்சை சாதத்தில் தேங்காய் சேர்ப்பாங்க…நான் சேர்க்கவில்லை…..விரும்பினால் சேர்த்து கொள்ளவும். நான் பிரவுன் ரைஸில் செய்து இருக்கின்றேன்…