வெள்ளை பட்டாணி தோசை & கத்திரிக்காய் டிபன் சாம்பார் - Peas Dosai & Brinjal Tiffin Sambar

வெள்ளை பட்டாணியில் வெரும் பீச் சுண்டல் அல்லது குருமா மட்டும் தான் செய்து சாப்பிடுவோம்…இப்படி வித்தியசமாக தோசை செய்து பாருங்கள்…மிகவும் அருமையாக இருக்கும்…

வெள்ளை பட்டாணியில் அதிக அளவு நார்சத்து இருக்கின்றது…இதில் சக்கரையின் அளவு மிகவும் குறைவு….அதனால் சக்கரையின் அளவினை கட்டுப்படுத்துகின்றது….

இந்த பட்டாணியில் Cholesterolயினை குறைக்க உதவும் நார்சத்து(Soluble Fiber)  காணப்படுக்கின்றது…அதனால் Cholesterol அதிக  உள்ளவர்கள் இதனை அடிக்கடி சாப்பிடுவது மிகவும் நல்லது…

அத்துடன் இதில் கல்சியம், இரும்பு சத்து, விட்டமின்ஸ் B-Complex அதிகம் இருக்கின்றது…மற்றும் மினரல்ஸ் Magnesium, Zinc, Copper, Maganese, Potassium அதிக அளவில் காணப்படுக்கின்றது….

இதில் அதிக அளவு Protein இருக்கின்றது….அனைவருக்கும் மிகவும் நல்லது…

ஊறவைக்க தேவைப்படும் நேரம் : 4 – 5 மணி நேரம்

சமைக்க தேவைப்படும் நேரம் : 5 நிமிடங்கள்

தேவையான பொருட்கள் :

·         வெள்ளை பட்டாணி – 1 கப்

·         பிரவுன் ரைஸ் / இட்லி அரிசி – 1/4 கப்

·         உப்பு – தேவையான அளவு

செய்முறை :

·         வெள்ளை பட்டாணி + அரிசியினை தனி தனியாக குறைந்தது 4 – 5 மணி நேரம் ஊறவைத்து மிக்ஸியில் போட்டு தோசை மாவு பதத்திற்கு அரைத்து கொள்ளவும்.

·         இந்த மாவுடன் உப்பு சேர்த்து கலந்து, உடனே தோசைகளாக சுடவும். சுவையான சத்தான தோசை ரெடி.

கவனிக்க : இந்த மாவினை புளிக்க வைக்க தேவையில்லை…அப்படியே தோசை சூடலாம்.

கத்திரிக்காய் டிபன் சாம்பார்

சமைக்க தேவைப்படும் நேரம் : 20 நிமிடங்கள்

தேவையான பொருட்கள் :

·         கத்திரிக்காய் – 1/4 கிலோ

·         துவரம் பருப்பு – 1 கப்

·         வெங்காயம் – 1

·         தக்காளி – 1

·         பச்சைமிளகாய் – 4

·         புளி கரைசல் – சிறிதளவு

கடைசியில் தாளிக்க :

·         எண்ணெய் – 1 மேஜை கரண்டி

·         கடுகு – தாளிக்க

·         கருவேப்பில்லை – 4 – 5 இலை

·         பெருங்காயம் – சிறிதளவு

செய்முறை :

·         கத்திரிக்காய் + வெங்காயம் + தக்காளி + பச்சைமிளகாயினை பொடியாக நறுக்கி வைக்கவும். துவரம்பருப்பினை கழுவி கொள்ளவும்.

·         குக்கரில் துவரம்பருப்பு + காய்கள் + மஞ்சள் தூள் + உப்பு + தேவையான அளவு தண்ணீர் சேர்த்து 4 – 5 விசில் வரும் வரை வேகவைக்கவும்.

·         குக்கரினை திறந்து வேகவைத்த பொருட்களை சிறிது மசித்து கொள்ளவும்.

·         இத்துடன் புளிகரைசல் சேர்த்து கொதிக்கவிடவும். தாளிக்க கொடுத்துள்ள பொருட்களை தாளித்து இதில் சேர்க்கவும்.

 ·         சுவையான எளிதில் செய்யகூடிய கத்திரிக்காய் டிபன் சாம்பார் ரெடி. இதனை இட்லி, தோசை, சாப்பத்தி, சாதம் போன்றவையுடன் சாப்பிட சுவையாக இருக்கும்.