ரிக்கோடா சீஸ் மில்க் ஸ்வீட் - Ricotta Cheese Milk Sweet

எளிதில் செய்ய கூடிய ஸ்வீட்…அனைவருக்கும் மிகவும் பிடிக்கும்…நீங்களும் செய்து பார்த்துவிட்டு உங்கள் கருத்தினை தெரிவிக்கவும்.

சமைக்க தேவைப்படும் நேரம் : 12 -  15 நிமிடங்கள்

தேவையான பொருட்கள் :

         ரிக்கோடா சீஸ் – 1 பெரிய கப் (12 - 16 oz சேர்த்து கொள்ளலாம்)

·         கண்டன்ஸ்டு மில்க் / Sweetened Condensed Milk – 1 டின் (15 oz)

·         நெய் – 2 மேஜை கரண்டி

·         ஏலக்காய் – 2 பொடித்தது

·         முந்திரி,பிஸ்தா – 2 மேஜை கரண்டி பொடித்தது (விரும்பினால்)

செய்முறை :

·         ரிக்கோடா சீஸ் + கண்டன்ஸ்டு மில்க் + நெய் சேர்த்து நன்றாக கலந்து கொள்ளவும்.

·         கடாயில் கலந்த கலவையினை ஊற்றி வேகவிடவும்.

·         5 நிமிடங்கள் , அடிக்கடி நன்றாக கிளறிவிட்டு ஏலக்காய் பொடியினை தூவி கிளறவும்.

·         மேலும் 5 நிமிடங்கள் தண்ணீர் வற்றி கெட்டியான பதம் வரும் வரை அடிக்கடி கிளறிவிடவும்.

·         கெட்டியாகியவுடன், ஒரு தட்டில் நெய் தடவி அதில் இதனை கொட்டி சமப்படுத்தி அதன் மீது முந்திரி,பிஸ்தாவினை தூவி விரும்பிய வடிவத்தில் கட் செய்து அரை மணி நேரம் ஆறவிடவும்.

·         சுவையான எளிதில் செய்ய கூடிய ஸ்வீட் ரெடி…

கவனிக்க:

இதனை மைக்ரோவேவிலும் செய்யலாம்…இதே மாதிரி பாத்திரத்தில் உள்ள கலவையினை  அடிக்கடி 2 நிமிடத்திற்கு ஒரு முறை வெளியில் எடுத்து கிளறிவிட்டு திரும்பவும் வேகவிட வேண்டும்.

கண்டன்ஸ்டு மில்கிற்கு பதிலாக சக்கரை 1 கப் + பட்டர்/நெய் – 1/2 கப் சேர்த்து கொள்ளலாம்.

ஏலக்காயினை பொடிக்கும் பொழுது 2 தே.கரண்டி சக்கரையினை சேர்த்து கொண்டு பொடித்தால் எளிதில் அரைப்படும்.