நேந்திரம் பழம் சிப்ஸ் ( அவன் செய்முறை ) - Nendhram Pazham Chips (Oven Cooking)

நேந்திரம் பழம் சிப்ஸ் பெரும்பாலும் அனைவருக்கும் ரொம்ப பிடிக்கும்…இதனை எண்ணெயில் பொரிக்காமல் , அவனில் செய்தால் கலோரிஸும் குறைவு…உடம்பிற்கும் மிகவும் நல்லது.

நீங்களும் செய்து பார்த்து உங்கள் கருத்தினை தெரிவிக்கவும்…

சமைக்க தேவைப்படும் நேரம் : 30 நிமிடங்கள்

தேவையான பொருட்கள் :

         நேந்திரம் பழம்  - 1

·         மஞ்சள் தூள் – 1/2 தே.கரண்டி

·         உப்பு – 1/4 தே.கரண்டி

·         தேங்காய் எண்ணெய் – 1 மேஜை கரண்டி

செய்முறை :

·         நேந்திரம் பழத்தின் தோலினை நீக்கி, அதனை சிறிய சிறிய துண்டுகளாக வெட்டி கொள்ளவும்.

·         ஒரு பாத்திரத்தில் 1 கப் தண்ணீர் + மஞ்சள் தூள் + உப்பு + வெட்டி வைத்துள்ள நேந்திரம் பழம் சேர்த்து 5 நிமிடங்கள் ஊறவிடவும்.

·         தண்ணீரை வடித்து, பழத்தினை சிறிது நேரம் உலரவிடவும்.

·         அவனை 350 Fயில் முற்சூடு செய்யவும். அவனில் வைக்கும் ட்ரேயில் ஒவ்வொரு பழத்துண்டாக வைக்கவும். அதன் மீது சிறிது தேங்காய் எண்ணெய் தெளிக்கவும்.

·         இதனை அவனில் வைத்து 15 – 20 நிமிடங்கள் வேகவிடவும்.

·         சுவையான எளிதில் செய்ய கூடிய சிப்ஸ் ரெடி.

குறிப்பு :

இதனை எண்ணெயில் பொரிப்பது என்றால், மஞ்சள் தூள் + உப்பு சேர்த்து தண்ணீரில் ஊறவைக்க வேண்டாம்.

தேங்காய் எண்ணெயிற்கு பதிலாக சாதரண எண்ணெய் பயன்படுத்தலாம்.