பேக்ட் வெங்காய சமோசா - Baked Onion Samosa - Venkaya Samosa

எளிதில் செய்ய கூடிய ஹெல்தியான மாலை நேர ஸ்நாக்…நீங்களும் செய்து பார்த்து உங்கள் கருத்தினை தெரிவிக்கவும்.

இந்த பேக்ட் சமோசா கண்டிப்பாக எண்ணெயில் பொரித்தது மாதிரியே இருக்கும்…நீங்களாக சொன்னால் தான் யாருமே இதனை அவனில் செய்தது என்று நம்புவாங்க…அந்த மாதிரி க்ரிஸ்பியாக நன்றாக இருந்தது..

சமைக்க தேவைப்படும் நேரம் : 20 நிமிடங்கள்

தேவையான பொருட்கள் :

         Spring Rolls Sheet – 4

·         எண்ணெய் - சிறிதளவு

மசாலா செய்ய :

·         எண்ணெய் – 1 மேஜை கரண்டி

·         வெங்காயம் – 1 பெரியது

·         சோம்பு தூள் – 1 தே.கரண்டி

·         மஞ்சள் தூள் – 1/4 தே.கரண்டி

·         மிளகாய் தூள் – 1/4 தே.கரண்டி

·         உப்பு – தேவையான அளவு

செய்முறை :

·         வெங்காயத்தினை நீளமாக வெட்டி கொள்ளவும். கடாயில் எண்ணெய் ஊற்றி காய்ந்ததும் சோம்பு தூள் + மஞ்சள் தூள் + மிளகாய் தூள் சேர்த்துபிறகு வெட்டி வைத்துள்ள வெங்காயம் + உப்பினை சேர்த்து வதக்கவும்.

·         வெங்காயத்தினை சுமார் 2 நிமிடங்கள் வதக்கவும். (வெங்காயம் நன்றாக வதங்க தேவையில்லை. நன்றாக வதங்கினால் Stuffing நன்றாக இருக்காது.)

·         சமோசா ஷீடில் சிறிதளவு மசாலாவினை வைத்து சமோசாவினை உருட்டி கொள்ளவும்.

·         அவனை 375 Fயினை மூற்சூடு செய்து கொள்ளவும். சமோசாவினை அவனில் வைக்கும் ட்ரேயில் வைத்து அதன் மீது சிறிது எண்ணெயினை spray செய்து கொள்ளவும்.

·         அவனில் Broil Modeயில் 10 நிமிடங்கள் வேகவிடவும். ட்ரேயினை வெளியில் எடுத்து சமோசாவினை திருப்பிவிட்டு, மறுபடியும் அவனில் மேலும் 5 – 7 நிமிடங்கள் வேகவிடவும்.

·         சுவையான எளிதில் செய்ய கூடிய சமோசா ரெடி.

குறிப்பு :

சமோசாவினை அவனில் வைக்காமல் எண்ணெயில் பொரித்தும் எடுக்கலாம்.

முதலிலேயே தூள் வகைகளை எண்ணெயில் சேர்ப்பதால் தூள் வாசனை அதிகம் வராமல் நன்றாக இருக்கும்.

அவரவர் விருப்பததிற்கு ஏற்றாற் போல Stuffing செய்து கொள்ளலாம்.