ப்ரோக்கோலி சோயா கட்லட் - Broccoli Soya Cutlets

ப்ரோக்கோலியில் நிறைய விட்டமின்ஸ் ( Vitamins A , C & K) மற்றும் நார்சத்து( Dietary Fiber) இருக்கின்றது. இதனை அடிக்கடி உணவில் சேர்த்து கொள்வது மிகவும் நல்லது.

சமைக்க தேவைப்படும் நேரம் : 30 நிமிடங்கள்

தேவையான பொருட்கள் :

         ப்ரோக்கோலி – 1 கப் (பொடியாக நறுக்கியது)

·         சோயா – 20

·         ஒட்ஸ் மாவு – 1 கப்

·         மிளகாய் தூள் – 1/4 தே.கரண்டி

·         உப்பு , எண்ணெய் – சிறிதளவு

செய்முறை :

·         ப்ரோக்கோலியினை பொடியாக நறுக்கி கொள்ளவும். சோயாவினை தண்ணீரி போட்டு வேகவிடவும். சோயா நன்றாக வெந்த பிறகு அதனை எடுத்து தண்ணீர் இல்லாமல் உதிர்த்து கொள்ளவும்.

·         ப்ரோக்கோலி + உதிர்த்த சோயா + ஒட்ஸ் மாவு + மிளகாய் தூள் + உப்பு + 1 தே.கரண்டி எண்ணெய் சேர்த்து நன்றாக கலந்து கொள்ளவும். சிறிய கட்லடுகளாக தட்டி கொள்ளவும்.

·         அவனை 400 F, Broil Modeயில் மூற்சூடு செய்து கொள்ளவும். அவனில் வைக்கும் ட்ரேயில் கட்லடுகளை அடுக்கி அவனில் 10 நிமிடங்கள் வேகவைக்கும்.

·         ட்ரேயினை வெளியில் எடுத்து கட்லடுகளை திருப்பி போட்டு மேலும் 10 நிமிடங்கள் வேகவிடவும்.

·         சுவையான சத்தான க்ரிஸ்பியான கட்லட் ரெடி.

குறிப்பு :

ஒட்ஸினை வறுத்து மிக்ஸியில் ஒன்றும் பாதியுமாக பொடித்து கொண்டால் ஒட்ஸ் மாவு ரெடி.

ஒட்ஸ் மாவிற்கு பதிலாக அரிசி மாவும் சேர்த்து கொள்ளலாம்.