கார்ன் ஒட்ஸ் பிஸ்கட் - Corn Oats Biscuits

எளிதில் செய்ய கூடிய மாலை நேர ஸ்நாக்….நீங்களும் செய்து பார்த்து உங்க கருத்தினை தெரிவிக்கவும்…

சமைக்க தேவைப்படும் நேரம் : 30 நிமிடங்கள்

தேவையான பொருட்கள் :

         கார்ன் – 1 கப்

·         ஒட்ஸ் – 1/2 கப்

·         பிரெட் துண்டுகள் – 3

·         மசாலா தூள் – 1/2 தே.கரண்டி

·         உப்பு – சிறிதளவு

·         எண்ணெய் – 1 மேஜை கரண்டி

செய்முறை :

·         கார்னை தனியாக வெட்டி கொள்ளவும். (அல்லது) Frozen  கார்ன் கூட பயன்படுத்தலாம்.(Fresh Corn என்றால் நல்லா இருக்கும்.)

·         ஒட்ஸினை மிக்ஸியில் போட்டு பொடித்து கொள்ளவும். அத்துடன் பிரெட் துண்டுகளையும் சேர்த்து மிக்ஸியில் பொடித்து தனியாக வைத்து கொள்ளவும்.

·         கார்னினை மிக்ஸியில் போட்டு ஒன்றும் பாதியுமாக அரைத்து கொள்ளவும்.

·         அரைத்த கார்ன் + பொடித்த ஒட்ஸ் & பிரெட் துண்டுகள் + மசாலா தூள் + உப்பு + எண்ணெய் சேர்த்து நன்றாக கலந்து கொள்ளவும்.

·         இந்த கலவையினை விரும்பிய வடிவத்தில் தட்டி ட்ரேயில் வைத்து கொள்ளவும். அவனை 400 Fயில் மூற்சூடு செய்து கொள்ளவும்.

·         பிஸ்கடுகளை அவனில் 400Fயில் 10 நிமிடங்கள் வேகவிடவும்.

·         பிறகு பிஸ்கடுகளை திருப்பிவிட்டு மேலும் 7 - 8 நிமிடங்கள் வேகவிடவும்.

·         சுவையான எளிதில் செய்ய கூடிய ஹெல்தியான பிஸ்கட் ரெடி.

கவனிக்க:

கார்னில் நிறைய தண்ணீர் இருப்பதால், தனியாக தண்ணீர் சேர்க்க தேவையில்லை.

Whole Grains Bread பயன்படுத்தினால் ரொம்ப நல்லது.

அவரவர் விருப்பம் போல காரத்தினை சேர்த்து கொள்ளலாம். நான் சிக்கன் மசாலா தூள் சேர்த்து இருக்கின்றேன்.

Sending it to Revathi’s Karasaram - Corn Event and Vardhini’s Fast Food not Fat Food Event