பிஷ் கட்லட் - Fish Cutlets

எளிதில் செய்ய கூடிய மாலை நேர ஸ்நாக்…நீங்களும் செய்து பார்த்துவிட்டு உங்க கருத்தினை தெரிவிக்கவும்.

சமைக்க தேவைப்படும் நேரம் : 30 நிமிடங்கள்

தேவையான பொருட்கள் :

         Fish Fillets (முள் இல்லாத மீன் துண்டுகள்) – 2

·         Dry Mashed Potato Mix( உருளை கிழங்கு) – 2 கப்

·         கொத்தமல்லி - சிறிதளவு

·         உப்பு, எண்ணெய் – சிறிதளவு

கவனிக்க:

இதில் நான் Store Bought Ready  to Make Mashed Potatoes பயன்படுத்து இருக்கின்றேன். அதற்கு பதிலாக வேகவைத்த உருளை கிழங்கினை பயன்படுத்தி கொள்ளலாம்.

வதக்கி கொள்ள:

·         எண்ணெய் – 1 தே.கரண்டி

·         கடுகு – சிறிதளவு

·         பூண்டு – 10 பல்

·         வெங்காயம் – 1

·         குடைமிளகாய் – 1

·         பச்சைமிளகாய் - 2

செய்முறை :

·         பூண்டு + வெங்காயம் + குடைமிளகாய் + பச்சைமிளகாயினை மிகவும் பொடியாக நறுக்கி கொள்ளவும்.

·         மீனை வேகவைத்து கொண்டு உதிர்த்து கொள்ளவும். கடாயில் எண்ணெய் ஊற்றி கடுகு தாளித்து பூண்டு + வெங்காயம், பச்சைமிளகாய் + குடைமிளகாய் என ஒன்றின்பின் ஒன்றாக சேர்த்து வதக்கி கொள்ளவும்.

·         வதக்கிய பொருட்கள் + கொத்தமல்லி + தேவையான அளவு உப்பு + உதிர்த்த மீன் + Mashed Potato Mix + 1 மேஜை கரண்டி எண்ணெய் சேர்த்து நன்றாக கெட்டியாக பிசைந்து கொள்ளவும்.

·         சிறிய சிறிய கட்லடுகளாக தட்டி கொண்டு அவனில் வைக்கும் ட்ரேயில் வைக்கவும்.

·         அவனை 400 Fயில் Broil Modeயில் மூற்சூடு செய்யவும். கட்லடுகளை அவனில் வைத்து 10 நிமிடங்கள் வேகவிடவும்.

·         ட்ரேயினை வெளியில் எடுத்து கட்லடுகளை திருப்பிவிட்டு சிறிது எண்ணெய் ஸ்ப்ரே செய்து மேலும் 6 – 8 நிமிடங்கள் வேகவிடவும்.

·         சுவையான எளிதில் செய்ய கூடிய கட்லட்.

கவனிக்க:

கண்டிப்பாக் முள் இல்லாத மீன்களை பயன்படுத்தவும். இதில் நான் பயன்படுத்து இருப்பது Cod Fish.

Tilapia, Salmon, Tuna, Cat Fish, Cod Fish என எந்த மீன் வகைகளையும் பயன்படுத்தி செய்யலாம்.

அதே மாதிரி காரத்திற்கு வெரும் பச்சைமிளகாய் மட்டுமே பயன்படுத்து இருக்கின்றேன்…

Ready Made Mashed Potato Mixயிற்கு பதிலாக வேகவைத்து மசித்த உருளைகிழங்கினை பயன்படுத்து கொள்ளவும்.