க்ரிட்ஸ் பூசணிக்காய் கட்லட் - Grits Pumpkin Cutlets

உடல் எடையினை குறைக்க விரும்புவோர் பூசணிக்காயினை அடிக்கடி உணவில் சேர்த்து கொள்வது மிகவும் நல்லது.

பூசணிக்காயில் அதிக அளவு தண்ணீர் இருக்கின்றது. இதில் நிறைய விட்டமின்ஸ் மற்றும் நார்சத்து இருக்கின்றது. மிகவும் குறைந்த  Calories உள்ள காய்.

சமைக்க தேவைப்படும் நேரம் : 20 நிமிடங்கள்

தேவையான பொருட்கள் :

         க்ரிட்ஸ் – 2 கப்

·         துறுவிய பூசிணிக்காய் – 1 கப்

·         உப்பு ,எண்ணெய் – சிறிதளவு

தாளித்து சேர்க்க :

·         எண்ணெய் – 1 தே.கரண்டி

·         கடுகு, உளுத்தம்பருப்பு – சிறிதளவு

·         தேங்காய் துறுவல் – 2 மேஜை கரண்டி

·         சீரகம் – 1 தே.கரண்டி

செய்முறை :

·         க்ரிட்ஸ் + துறுவிய பூசிணிக்காய் + உப்பு + தேவையான அளவு தண்ணீர் சேர்த்து(சுமார் 2 கப்) வேகவைத்து கொள்ளவும்.

·         தாளித்து சேர்க்க கொடுத்துள்ள பொருட்களை தாளித்து வேகவைத்த க்ரிட்ஸுடன் சேர்த்து கலந்து கொள்ளவும்.

·         அவனை 400 F யில் மூற்சூடு செய்து கொள்ளவும். சிறிய சிறிய வடைகளாக தட்டி அதன் மீது சிறிது எண்ணெய் Spray செய்து  ,அவன் ட்ரேயில் வைத்து கொள்ளவும்.

·         ட்ரேயினை அவனில் வைத்து 400Fயில் வைத்து 15 நிமிடங்கள் Broil Modeயில் வேகவிடவும்.

·         ட்ரேயினை வெளியில் எடுத்து வடைகளை திருப்பிவிட்டு திரும்பவும் எண்ணெயினை கட்லட்களின் மீது Spray செய்து மேலும் 5 – 8 நிமிடங்கள் வேகவிடவும்.

·         சுவையான சத்தான கட்லட் ரெடி.

கவனிக்க:

பூசிணிக்காயினை துறுவும் பொழுதே தண்ணீர் நிறைய இருக்கும். அதனால் க்ரிட்ஸ் வேகவைக்கும் பொழுது தண்ணீரின் அளவினை பார்த்து கொள்ளவும்.

க்ரிட்ஸினை போலவே கோதுமை ரவை, அரிசி ரவை போன்றவற்றிலும் செய்யலாம்.

Ovenயில் செய்யாமல் இதனை தோசை கல்லிலும் கட்லட் மாதிரி அல்லது எண்ணெயில் பொரித்தும் சாப்பிடலாம்.