ஒட்ஸ் லட்டு - Oats Laddu

எளிதில் செய்ய கூடிய சத்தான சுவையான ஒட்ஸ் லட்டு. நீங்களும் செய்து பார்த்து உங்கள் கருத்தினை தெரிவிக்கவும்.

சமைக்க தேவைப்படும் நேரம் : 5 – 10 நிமிடங்கள்

தேவையான பொருட்கள் :

         ஒட்ஸ் – 2 கப் (பொடித்தது)

·         சக்கரை – 3/4 கப்

·         ஏலக்காய் – 3

·         நெய் – 2 மேஜை கரண்டி

·         பால் – 2 – 3 மேஜை கரண்டி

·         முந்திரி – சிறிதளவு

செய்முறை :

·         ஒட்ஸினை கடாயில் போட்டு 2 – 3 நிமிடங்கள் நன்றாக வறுத்து கொள்ளவும். வறுத்த ஒட்ஸினை மிக்ஸியில் போட்டு பொடித்து கொள்ளவும்.

·      சக்கரை + ஏலக்காயினை சேர்த்து மிக்ஸியில் தனியாக பொடித்து கொள்ளவும். கடாயில் 1 மேஜை கரண்டி நெய் ஊற்றி முந்திரியினை வறுத்து கொள்ளவும்.

·      பொடித்த ஒட்ஸினை திரும்பவும் கடாயில் போட்டு 1 நிமிடம் வறுத்து கொள்ளவும். இத்துடன் முந்திரி சேர்க்கவும்.

·       கடைசியில் சக்கரை + நெய் + தேவைக்கு ஏற்றாற் போல பால் சேர்த்து கலந்து கொள்ளவும்.

·         கலவையினை உருண்டைகளாக பிடித்து கொள்ளவும். சுவையான சத்தான ஒட்ஸ் லட்டு ரெடி.

கவனிக்க:

·         இதனையும் செய்து பாருங்க…பார்லி லட்டு & கோதுமை மாவு லட்டு

·         ஒட்ஸினை முதலில் வறுத்து கொண்டு பொடித்தால் நன்றாக இருக்கும்.

·         பால் சேர்ப்பதற்கு பதிலாக நெய் மட்டும் சேர்த்து செய்யலாம்.

·         இது ரவா லட்டு மாதிரி வெள்ளை கலரில் இல்லாமல் இருப்பதால், குழந்தைகளுகாக கலர் சேர்த்து உருண்டைகளை பிடித்து கொள்ளலாம்.

·         இதனை சூடாக இருக்கும் பொழுது பிடிக்க வேண்டும் என்று இல்லாமல் ,சிறிது கைபொருக்கும் சூட்டில் உருண்டை பிடித்து கொள்ளலாம்.

·         சக்கரையின் அளவினை அவரவர் விருப்பதிற்கு ஏற்றாற் போல சேர்த்து கொள்ளவும்.