ரவா இட்லி & உருளைகிழங்கு கொஸ்து - Rava Idly & Potato Kosthu - Urulai Kosthu



ஊறவைக்க தேவைப்படும் நேரம் : குறைந்தது 1 மணி நேரம்
சமைக்க தேவைப்படும் நேரம் - Cooking Time : 10 நிமிடங்கள்
தேவையான பொருட்கள் :
         ரவை – 3 கப்
·         உளுத்தம்பருப்பு – 1 கப்
·         வெந்தயம் – 1 தே.கரண்டி
·         உப்பு – தேவையான அளவு


செய்முறை :
·         உளுத்தம்பருப்பு + வெந்தயம் சேர்த்து தண்ணீரில் போட்டு 1 மணி நேரம் ஊறவைத்து கொள்ளவும். ஊறவைத்த பொருட்களுடன் தேவையான அளவு தண்ணீர் ஊற்றி மிக்ஸியில் போட்டு மைய அரைத்து கொள்ளவும்.

·         அரைத்த மாவு + ரவை + உப்பு + சிறிது தண்ணீர் சேர்த்து இட்லி மாவு பதத்திற்கு கரைத்து கொள்ளவும்.


·         மாவினை குறைந்தது 4 - 5 மணி நேரம் புளிக்கவிடவும்.


·         மாவு புளித்தவுடன், இட்லியினை சுடவும்.


·         சுவையான எளிதில் செய்ய கூடிய ரவா இட்லி ரெடி. இதனை சாம்பார், சட்னி, குருமாவுடன் சேர்த்து சாப்பிட சுவையாக இருக்கும்.


கவனிக்க:
·         ரவையினை முதலிலேயே ஊறவைக்க தேவையில்லை. அப்படியே அரைத்த உளுத்தமாவில் கலந்து கொண்டால் போதும்.

·         இட்லி மாவு பதத்திற்கு மாவு கரைக்கும் பொழுது ,தண்ணீரின் அளவினை சிறிது அதிகமாக(சுமார் 1/2 கப்) சேர்த்து கொள்ளவும். (ரவை தண்ணீரினை எல்லாம் இழுத்து கொள்ளும்.)

·         Grinderயில் உளுத்தம்பருப்பு அரைப்பது என்றால், 4 கப் ரவையினை சேர்த்து கொள்ளவும்.

உருளைகிழங்கு கொஸ்து


சமைக்க தேவைப்படும் நேரம் – Cooking Time : 20 நிமிடங்கள்
தேவையான பொருட்கள் :
·         உருளைகிழங்கு – 1
·         வெங்காயம் – 1
·         தக்காளி – 2
·         பச்சை மிளகாய் – 2
·         பூண்டு – 4 பல்
·         இட்லி மாவு – 1 குழிக்கரண்டி

சேர்க்க வேண்டிய தூள் வகைகள் :
·         மஞ்சள் தூள் – 1/4 தே.கரண்டி
·         மிளகாய் தூள் – 1/2 தே.கரண்டி
·         தனியா தூள் – 1/2 தே.கரண்டி
·         உப்பு – தேவையான அளவு

முதலில் தாளிக்க :
·         எண்ணெய் – 1 மேஜை கரண்டி
·         கடுகு, உளுத்தம்பருப்பு – தாளிக்க

கடைசியில் சேர்க்க :
·         கொத்தமல்லி – சிறிதளவு

செய்முறை :
·         வெங்காயம் + தக்காளி + உருளைகிழங்கினை மிகவும் பொடியாக நறுக்கி கொள்ளவும். பூண்டினை நசுக்கி கொள்ளவும்.

·         கடாயில் எண்ணெய் ஊற்றி கடுகு + உளுத்தம்பருப்பினை தாளித்து பூண்டினை சேர்த்து வதக்கவும்.

·         பூண்டு வதங்கியவுடன், வெங்காயம் சேர்த்து வதக்கவும். வெங்காயம் வதங்கியவுடன் உருளைகிழங்கினை போட்டு 2 – 3 நிமிடங்கள் வதக்கவும்.

·         உருளைகிழங்கு வதங்கியவுடன் பச்சைமிளகாய் + தக்காளி + தூள் வகைகளினை சேர்த்து வதக்கவும்.

·         இதனை அப்படியெ சுமார் 4 நிமிடங்கள் தட்டு போட்டு வேகவிட்டு, கரண்டியால் நன்றாக மசித்து கொள்ளவும்.

·         அதன் பிறகு 2 – 3 கப் தண்ணீர் சேர்த்து மேலும் 5 நிமிடங்கள் வேகவிடவும். (குறிப்பு : தக்காளி புளிப்பாக இல்லை என்றால் 2 மேஜை கரண்டி எலுமிச்சை சாறு சேர்த்தால் சுவையாக இருக்கும்.)

·         கடைசியில் இட்லிமாவினை இதில் சேர்த்து நன்றாக கலக்கிவிட்டு மேலும் 2  - 3 நிமிடங்கள் வேகவிட்டு கொத்தமல்லி தூவி பரிமாறவும். சுவையான எளிதில் செய்ய கூடிய உருளைகிழங்கு கொஸ்து ரெடி.


கவனிக்க:
இட்லி மாவு என்று குறிப்பிட்டு இருப்பது, அரிசி + உளுந்து கொண்டு அரைத்த இட்லி மாவு.

இட்லி மாவிற்கு பதிலாக வெரும் அரிசிமாவினை சிறிது தண்ணீரில் கலந்து கொண்டு குழம்பில் ஊற்றினால் நன்றாக இருக்கும்.

இதனை பிரஸர் குக்கரில் செய்யலாம். பிரஸர் குக்கரில் செய்வது என்றால், இட்லி மாவு சேர்க்க வேண்டாம்.

16 comments:

Chitra said...

உளுந்தை ஊற வைத்து அரைத்து, ரவையுடன் சேர்த்து செய்யும் ரவா இட்லி முறை புதுசா இருக்குது, கீதா.

Premalatha Aravindhan said...

wow rava idly luks super soft,yummy...wonderful combo with kosthu...

Lakshmi said...

ரவா இட்லி உருளை கொத்சு
பெஸ்ட் காம்பினேஷன்.

வெங்கட் நாகராஜ் said...

ரவா இட்லி - உருளை கொத்சு... நல்ல காம்பினேஷன் மாதிரி தான் இருக்கு.... சாப்பிட்டு சொல்றேன்... :)

Krithi's Kitchen said...

New kind of rava idli.. yumm..
http://krithiskitchen.blogspot.com/

savitha ramesh said...

romba nalla irukku gosthu.love it.

Shanavi said...

Super combo, idli as well as kosthu..rendum arumai Geetha

Sensible Vegetarian said...

Mouth watering combo.

Priya said...

Rava idly and kosthu both together makes me hungry..

வேலன். said...

இரண்டும் நல்ல கூட்டணி...
வாழ்க வளமுடன்.
வேலன்.

Kalpana Sareesh said...

This method is so good.. bookmarked .. kothsu superr..

jeyashrisuresh said...

though i have made rava idlis many times this is a wonderf ul combo with potato gothsu. nicely done geetha

Kannan said...

அருமையான உணவு.

நன்றி,
கண்ணன்
http://www.tamilcomedyworld.com

கோவை2தில்லி said...

ரவா இட்லி உருளை கொத்சு நல்ல காம்பினேஷன். செய்து பார்த்துட வேண்டியது தான்.

RAKS KITCHEN said...

Super combination! Looks tempting!

krish said...

I like very much..

Related Posts Plugin for WordPress, Blogger...