ரவா இட்லி - Rava Idly

ஊறவைக்க தேவைப்படும் நேரம் : 20 நிமிடஙள்

சமைக்க தேவைப்படும் நேரம் : 10 நிமிடங்கள்

தேவையான பொருட்கள் :

         ரவை – 2 கப்

·         தயிர் – 1 கப்

·         மஞ்சள் தூள் – 1/4 தே.கரண்டி (விரும்பினால்)

·         உப்பு – தேவையான அளவு

தாளித்து சேர்க்க :

·         எண்ணெய் – 1 மேஜை கரண்டி

·         கடுகு – தாளிக்க

·         சீரகம் – 1 தே.கரண்டி

·         கடலைப்பருப்பு – 1 மேஜை கரண்டி

·         உளுத்தம்பருப்பு – 1 தே.கரண்டி

·         முந்திரி – 10 – 15

பொடியாக வெட்டி கொள்ள :

·         கருவேப்பில்லை – 5 இலை

·         பச்சைமிளகாய் – 2

·         இஞ்சி – சிறிய துண்டு

செய்முறை :

·         கடாயில் எண்ணெய் ஊற்றி தாளிக்க கொடுத்துள்ள பொருட்களை அனைத்தையும் ஒன்றாக சேர்த்து தாளித்து கொண்டு, பொடியாக நறுக்கி வைத்துள்ள பொருட்களை சேர்த்து வதக்கி கொள்ளவும்.

·         இத்துடன் மஞ்சள் தூள் + ரவையினை சேர்த்து மேலும் 1 நிமிடம் வறுத்து கொள்ளவும்.

·         ரவையில் சூடு சிறிதளவு ஆறியதும், அத்துடன் தயிர் + 1 கப் தண்ணீர் + தேவையான அளவு உப்பு சேர்த்து நன்றாக கலக்கி சிறிது நேரம் ஊறவிடவும்.

·         இட்லி தட்டில் மாவினை ஊற்றி 8 – 10 நிமிடங்கள் வேகவிடவும்.

·         சுவையான எளிதில் செய்ய கூடிய ரவா இட்லி ரெடி.

கவனிக்க:

தண்ணீர் அதிகம் சேர்த்தால் இட்லி நன்றாக இருக்காது. 2 கப் ரவை என்றால் 1 கப் தயிர் + 1 கப் தண்ணீர் என்பது சரியாக இருக்கும்.

விரும்பினால் பேக்கிங் சோடா சேர்த்து கொள்ளலாம். நான் சிறிது நேரம் ஊறவைத்து இட்லி செய்ததால், எதுவும் சேர்க்கவில்லை.