ஸ்பினாச் ஆரஞ்சு சாலட் - Spinach Orange Salad

ஸ்பினாச் சாப்பிடுவதால் உடலிற்கு தேவையான சத்துகள் நிறைய கிடைக்கின்றது. சக்கரை அதிகம் உள்ளவர்கள் மற்றும் உடலில் கொழுப்பு அதிகம் உள்ளவர்கள் இதனை சாப்பிடுவது மிகவும் நல்லது.

நிறைய நார்சத்து, புரதம், விட்டமின்ஸ் மற்றும் மினரல்ஸ் இருப்பதால் குழந்தைகள் முதல் பெரியவர்கள் வரை கண்டிப்பாக வாரம் ஒரு முறையாவது உணவில் சேர்த்து கொள்வது மிகவும் அவசியம்.

வால்நட்யில் அதிக அளவு Omega-3 fatty acids இருப்பதால் உணவில் சேர்த்து கொள்வது நல்லது.

சாலட் செய்ய தேவைப்படும் நேரம் : 5 நிமிடங்கள்

தேவையான பொருட்கள் :

         ஸ்பினாச் இலை(Baby Spinach Leaves) – 2 கப்

·         ஆரஞ்ச் பழம் – 1

·         வால்நட் – 1/4 கப்

·         உப்பு – 1/4 தே.கரண்டி

·         ஆலிவ் ஆயில் – 1 தே.கரண்டி

செய்முறை :

·         ஸ்பினாச் இலையினை தண்ணீரில் அலசி கொள்ளவும். ஆரஞ்ச் பழத்தில் இருந்து ஆரஞ்ச் சுளையினை தனியாக நீக்கி கொள்ளவும்.

·         ஆரஞ்ச் சுளையினை நீக்கிய பிறகு இருக்கும் தோலில் இருந்து 2 மேஜை கரண்டி அளவிற்கு சாறினை பிழிந்து கொள்ளவும்.

·         ஆரஞ்சு ஜுஸ் + ஆலிவ் ஆயில் + உப்பு சேர்த்து நன்றாக கலக்கி ஸ்பினாச் இலையுடன் சேர்த்து கலக்கவும்.

·         பரிமாறும் தட்டில், ஸ்பினாச் இலைகள் மீது ஆரஞ்சு சுளை + வால்நட் சேர்க்கவும். சுவையான சத்தான சாலட் ரெடி.