கத்திரிக்காய் சட்னி & பிரவுன் ரைஸ் இட்லி - Kathirikkai Chutney / Brinjal Chutney & Brown rice Idly

சமைக்க தேவைப்படும் நேரம் : 20 நிமிடங்கள்

தேவையான பொருட்கள் :

         கத்திரிக்காய் – 1/4 கிலோ

·         தக்காளி – 2 பெரியது

·         பச்சைமிளகாய் – 4

·         வெங்காயம் – 2

·         கொத்தமல்லி – சிறிதளவு

·         மஞ்சள் தூள் – 1/2 தே.கரண்டி

·         உப்பு – தேவையான அளவு

தாளிக்க:

·         எண்ணெய் – 1 மேஜை கரண்டி

·         கடுகு, உளுத்தம்பருப்பு – தாளிக்க

·         கருவேப்பில்லை – 4 இலை

செய்முறை :

·         கத்திராய் + + தக்காளி + பச்சைமிளகாயினை பெரிய துண்டுகளாக நறுக்கி கொள்ளவும். வெங்காயம் + கொத்தமல்லியினை பொடியாக  நறுக்கி கொள்ளவும்.

·         பிரஸர் குக்கரில் கத்திரிக்காய் + தக்காளி + பச்சைமிளகாய் + மஞ்சள் தூள் + 2 கப் தண்ணீர் சேர்த்து 3 – 4 விசில் வரும் வரை வேகவிடவும்.

·         கடாயில் எண்ணெய் ஊற்றி கடுகு + உளுத்தம்பருப்பு தாளித்து அத்துடன் வெங்காயம் + கருவேப்பில்லை சேர்த்து வதக்கவும்.

·         வேகவைத்துள்ள கத்திரிக்காயினை மசித்து கொள்ளவும்.

·         வெங்காயம் வதங்கியவுடன், மசித்த கத்திரிக்காய் + தேவையான அளவு உப்பு சேர்த்து 2 - 3 நிமிடங்கள் வேகவிடவும்.

·         கடைசியில் கொத்தமல்லி தூவி பறிமாறவும். சுவையான சத்தான கத்திரிக்காய் சட்னி ரெடி. இதனை இட்லி, தோசையுடன் சேர்த்து சாப்பிட சுவையாக இருக்கும்.

பிரவுன் ரைஸ் இட்லி

ஊறவைக்க தேவைப்படும் நேரம் : 3 – 4 மணி நேரம்

சமைக்க தேவைப்படும் நேரம் : 10 நிமிடங்கள்

தேவையான பொருட்கள் :

·         பிரவுன் ரைஸ் – 2 கப்

·         இட்லி அரிசி – 1 கப்

·         உளுத்தமப்ருப்பு – 1 கப்

·         வெந்தயம் – 1 தே.கரண்டி

செய்முறை :

·         பிரவுன்ரைஸ் + இட்லி அரிசியினை ஒன்றாக சேர்த்து தண்ணீரில் குறைந்தது 3 – 4 மணிநேரம் ஊறவைக்கவும். அதே போல உளுத்தம்பருப்பு + வெந்தயம் சேர்த்து ஊறவைத்து கொள்ளவும்.

·         ஊறவைத்த உளுத்தம்பருப்பினை மிக்ஸியில் போட்டு மைய அரைத்து கொள்ளவும். அதே மாதிரி அரிசியினையும் அரைத்து கொண்டு, இரண்டு மாவினையும் தேவையான அளவு உப்பு சேர்த்து இட்லி மாவு பதத்திற்கு அரைத்து கொள்ளவும்.

·         மாவினை குறைந்தது 4 – 5 மணி நேரம் புளிக்கவிடவும். மாவு புளித்தவுடன்,இட்லிகளை சுடவும்.

·         சுவையான சத்தான இட்லி ரெடி

கவனிக்க:

பிரவுன் ரைஸுடன் இட்லி அரிசியினையும் சேர்த்து இட்லி செய்தால் ரொம்ப நல்லா இருக்கும்.

Grinderயில் மாவு அரைப்பது என்றால், பிரவுன் ரைஸ் 3 கப் + இட்லி அரிசி 1 கப் என்று அளவில் சேர்த்து கொள்ளவும்.