பீச் சுண்டல் - Beach Sundal Recipe - Healthy Sundal Navaratri Recipe


print this page PRINT

சமைக்க தேவைப்படும் நேரம் : 10 - 30 நிமிடங்கள்
தேவையான பொருட்கள் :
  .  வெள்ளை பட்டாணி - 1  கப் (அல்லது) வேகவைத்த பட்டாணி - 2 - 3 கப்
  .  துறுவிய மாங்காய் - 1/4 கப்
  .  மஞ்சள் தூள் - 1/4 தே.கரண்டி
  .  உப்பு - தேவையான அளவு

அரைத்து கொள்ள :
  .  தேங்காய் - 2 பெரிய துண்டுகள்
  .  பச்சை மிளகாய் - 1
  .  இஞ்சி - 1 சிறிய துண்டு

முதலில் தாளிக்க :
  .  எண்ணெய் - 1 மேஜை கரண்டி
  .  கடுகு - தாளிக்க
  .  உடைத்த உளுத்தம்பருப்பு - 1 தே.கரண்டி
  .  கருவேப்பிலை -10 இலை


செய்முறை :
  .  வெள்ளை பட்டாணியினை 1 கப் எடுத்து தண்ணீரில் சுமார் 6 - 8 மணி நேரம் ஊறவைத்து கொள்ளவும்.

  .  பட்டாணி நன்றாக ஊறிய பிறகு அத்துடன் தேவையான அளவு தண்ணீர் ஊற்றி பாத்திரத்தில் கொள்ளவும்.  
(கவனிக்க : கண்டிப்பாக இதனை Pressure Cookerயில் வேக வைக்க வேண்டாம். சிலசமயம் அப்படி வேகவைக்கும் பொழுது தோல் தனியாக பட்டாணியில் இருந்து வந்துவிடும். )


  .  அரைக்க கொடுத்துள்ள பொருட்களை மிக்ஸியில் போட்டு கொரகொரப்பாக அரைத்து கொள்ளவும்.


  .  மாங்காயினை துறுவி வைத்து கொள்ளவும்.

  .  கடாயில் எண்ணெய் ஊற்றி தாளிக்க கொடுத்துள்ள பொருட்களை போட்டு தாளித்து கொள்ளவும்.அத்துடன் வேகவைத்து இருக்கும் பட்டாணியினை , தண்ணீர் இல்லாமல் சேர்க்கவும்.


  .  இத்துடன் அரைத்த கலவையினை சேர்த்து  கிளறவும்.

 .  பிறகு இதில் மஞ்சள் தூள் + உப்பு சேர்த்து கலந்து 1- 2 நிமிடங்கள் வேகவிடவும்.


 .  கடைசியில் இதில் துறுவிய மாங்காய் சேர்த்து கிளறி மேலும் 1 - 2 நிமிடங்கள் வேகவிடவும்.


  .  சுவையான சத்தான பீச் சுண்டல் ரெடி.


குறிப்பு :
இதே மாதிரி வெள்ளை பட்டாணியிற்கு பதிலாக பச்சை பட்டாணியிலும் செய்யலாம்.

தேங்காயினை அரைக்காமல் அப்படியே சேர்க்கலாம்.

Pressure Cookerயில் வேகவைக்க விரும்பினால் 1 - 2 விசில் வரும் வரை வேகவைத்தால் போதும்.அதிகம் வேக வைக்க வேண்டாம்.

மாங்காய் சேர்ப்பதற்கு பதிலாக Amchur Powderகூட பயன்படுத்தலாம்.

5 comments:

Sathya Priya said...

beach sundal arumai geetha

nandoos Kitchen said...

healthy, delicious sundal..

Kalpana Sareesh said...

dhool kilappum beach sundal.. yummy

Priya Suresh said...

Omg, i want a bowl of this sundal,delicious.

Snow White said...

ஆகா ...அருமையா இருக்கு.. பார்த்ததும் சாப்பிட தோணுது ...

Related Posts Plugin for WordPress, Blogger...