பப்பாளி பழம் சீஸ் சாலட் - Papaya Fruit & Cheese Salad Recipe - Fruit Salad


print this page PRINT

எளிதில் செய்ய கூடிய சத்தான சாலட்...

சாலட் செய்ய தேவைப்படும் நேரம் : 5 நிமிடங்கள்
தேவையான பொருட்கள் :
  .  பப்பாளி பழம் - 2 கப் (சிறிய துண்டுகள்)
  .  Pearl Mozzarella Cheese - 1/4 கப்
  .  எலுமிச்சை சாறு - 1 தே.கரண்டி
  .  புதினா இலை - 4
  .  உப்பு - ஒரு சிட்டிகை அளவு

செய்முறை :
  .  பப்பாளி பழத்தின் தோலினை நீக்கி பழத்தினை சிறிய துண்டுகளாக வெட்டி கொள்ளவும்.


  .  புதினா இலையினை நறுக்கி கொள்ளவும். பாத்திரத்தில் எலுமிச்சை சாறு + புதினா + உப்பு சேர்த்து கலந்து கொள்ளவும்.


  .  இத்துடன் பப்பாளி பழம் + சீஸ் + புதினா கலவையினை சேர்த்து கலந்து பறிமாறவும்.

  .  எளிதில் செய்ய கூடிய சத்தான ப்ரூட் சாலட் .


ராகி கூழ் - Ragi Koozh Recipe - Kezhvaragu koozh- Summer Special Recipe /Millet Recipes


print this page PRINT

இந்த கூழ், பெரும்பாலும் அனைவரும் சிறிய வயதில் கண்டிப்பாக குடித்து இருப்போம்... கூழ் மிகவும் சத்தான உணவு..உடலிற்கு மிகவும் நல்லது...

கூழினை நொய் அரிசியினை போட்டு செய்வாங்க....நொய் அரிசிக்கு பதில் அரிசியினை மிக்ஸியில் போட்டு பொடித்து கொள்ளவும்.

கேழ்வரகு மாவினை தண்ணீர் சேர்த்து நன்றாக கரைத்து அதனை 1 நாள் வரை புளிக்கவிடவும். மாவு புளித்த பிறகு சாதம் (வேகவைத்த அரிசியுடன்) அந்த மாவுடன் தண்ணீர் சேர்த்து சுமார் 15 நிமிடங்கள் அடிக்கடி கிளறிவிட்டு வேகவிடவும். மாவு வெந்ததும் அதனை அப்படியே 1 நாள் வைத்து இருந்து மறுநாள் தயிர், வெங்காயம் , தண்ணீர் சேர்த்து கரைத்து குடிக்கவும்

இதே மாதிரி பார்லியில் செய்த கூழ் பார்க்க இங்கே பார்க்கவும்...நீங்களும் இதனை செய்து பார்த்துவிட்டு உங்கள் கருத்தினை தெரிவிக்கவும்...



சமைக்க தேவைப்படும் நேரம் : 2 நாட்கள்
தேவையான பொருட்கள் :
  .  கேழ்வரகு மாவு - 1 கப்
  .  அரிசி - 1 கப்
  .  உப்பு - தேவையான அளவு

கூழ் கரைக்கும் பொழுது :
  .  வெங்காயம் - 1 பொடியாக நறுக்கி கொள்ளவும்.
  .  தயிர் - 1 கப்
  .  தண்ணீர் - தேவையான அளவு

செய்முறை :
  .  கேழ்வரகு மாவினை 3 கப் தண்ணீர் + 1 தே.கரண்டி உப்பு சேர்த்து கரைத்து கொள்ளவும். இந்த மாவினை அப்படியே 12 மணி நேரம் -  1 நாள் வரை வைத்து புளிக்கவிடவும்.



  .  அரிசியினை மிக்ஸியில் போட்டு பொடித்து கொள்ளவும். அரிசியினை கழுவி அதனை தேவையான அளவு தண்ணீர் ஊற்றி 3 - 4 விசில் வரும் வரை வேகவைத்து கொள்ளவும்.





  .  பிரஸர் குக்கர் அடங்கியதும், முதல் நாள் கரைத்து வைத்துள்ள கேழ்வரகு கலவை + 2  - 3 கப் தண்ணீர்யினை இத்துடன் சேர்த்து நன்றாக கலந்து வேகவிடவும்.



  .  சுமார் 12 - 15 நிமிடங்கள் மிதமான தீயில் வைத்து அடிக்கடி கிளறிவிட்டு வேகவிடவும்.



  .  இப்பொழுது கூழ் ரெடி. இதனை அபப்டியே குறைந்தது 6 - 8 மணி நேரம் வைத்துவிடவும். அதனை மறுநாள் காலை அல்லது மதியம் கூழினை கரைத்து கொள்ளவும்.



  .  கூழ் கரைக்கும் பொழுது 1 பெரிய உருண்டை கூழ் + பொடியாக நறுக்கிய வெங்காயம் + தயிர் + 2 கப் தண்ணீர் + உப்பு சேர்த்து கூழினை கரைத்து கொள்ளவும்.

  .  இப்பொழுது சத்தான கூழ் ரெடி. இத்துடன் வெங்காயம், பச்சைமிளகாய் கடித்து குடித்தால் கூடுதல் சுவையுடன் இருக்கும்.




கொண்டைக்கடலை பிரியாணி / சென்னா பிரியாணி - Chana Biryani / Chana Pulao Recipe - Chickpeas Biryani Recipes


print this page PRINT

கொண்டைக்கடலையில் அதிக அளவு நார்சத்து மற்றும் Protein உள்ளது. இதில் Polyunsaturated Fat இருக்கின்றது. Cholesterolயினை குறைக்க பெரிதும் உதவுகின்றது.

இதனை அடிக்கடி உணவில் சேர்த்து கொள்வது மிகவும் நல்லது.  நீங்கள் செய்து பார்த்து உங்கள் கருத்தினை தெரிவிக்கவும்....

சமைக்க தேவைப்படும் நேரம் : 30 நிமிடங்கள்
தேவையான பொருட்கள் :
  .  சென்னா / கொண்டைக்கடலை - 1/2 கப்
  .  பாஸ்மதி அரிசி - 2 கப்
  .  தயிர் - 1/2 கப்
  .  வெங்காயம் - 1 பெரியது (நீளமாக வெட்டி கொள்ளவும்)
  .  இஞ்சி பூண்டு விழுது - 1 மேஜை கரண்டி
  .  புதினா, கொத்தமல்லி - 1 கைபிடி அளவு
  .  எலுமிச்சை சாறு - 1 மேஜை கரண்டி

சேர்க்க வேண்டிய தூள் வகைகள் :
  .  மஞ்சள் தூள் - 1/2 தே.கரண்டி
  .  மிளகாய் தூள் - 1 தே.கரண்டி
  .  பிரியாணி மசாலா - 1/2 தே.கரண்டி
  .  உப்பு - தேவையான அளவு

தாளிக்க :
  .  எண்ணெய் + நெய் - 1 மேஜை கரண்டி
  .  பட்டை - 1 , கிராம்பு - 2, பிரியாணி இலை - 1

செய்முறை :
  .  1/2 கப் கொண்டைக்கடலை சுமார் 3 - 4 மணி நேரம் ஊறவைத்து கொண்டு அதனை பிரஸர் குக்கரில் போட்டு 4 - 5 விசில் வரும் வரை வேகவைத்து கொள்ளவும். 

. பிரஸர் குக்கரில் எண்ணெய் + நெய் ஊற்றி தாளிக்க கொடுத்துள்ள பொருட்கள் தாளித்து அத்துடன் இஞ்சி பூண்டு சேர்த்து வதங்கிய பிறகு வெங்காயம் சேர்த்து வதக்கவும்.


  .  இத்துடன் வேகவைத்துள்ள கொண்டைக்கடலை + தூள் வகைகள் சேர்த்து கிளறவும்.

  .  பிறகு தயிர் சேர்த்து நன்றாக கிளறி 1 -2 நிமிடங்கள் வதக்கவும்.


. அரிசியினை கழுவி தண்ணீர் இல்லாமல் இதில் சேர்த்து 1 நிமிடம் வதக்கவும். 

.  இத்துடன் நறுக்கிய புதினா, கொத்தமல்லி + 4 கப் தண்ணீர்  சேர்த்து கொதிக்கவிடவும்.


கொதிவந்தவுடன் பிரஸர் குக்கரினை மூடி 1 விசில் வரும் வரை வேகவிடவும். 

 .  குக்கரில் பிரஸர் அடங்கியதும் அதனை திறந்து அத்துடன் 1 தே.கரண்டி நெய் + எலுமிச்சை சாறு ஊற்றி ஒரு கிளறிவிடவும்.


 .  சுவையான சத்தான பிரியாணி ரெடி. இதனை ராய்தா, உருளை வறுவல், சிப்ஸ் போன்றவையுடன் சேர்த்து சாப்பிட சுவையாக இருக்கும்.


குறிப்பு :
இதில் நான் தக்காளி சேர்க்கவில்லை. விரும்பினால வெங்காயம் வதங்கிய பிறகு சேர்த்து கொள்ளவும். 

அதே மாதிரி பிரியாணி மசாலாவிற்கு பதிலாக கரம் மசாலா சேர்த்து கொள்ளலாம்.

காரத்திற்கு மிளகாய் தூள் பதில் பச்சைமிளகாய் சேர்த்து கொள்ளலாம்.

இதனையும் செய்து பாருங்க...
Labels : ,,,,

சாக்கலேட் - Homemade Chocolate Recipe using Milk powder - Kids Special


print this page PRINT

எளிதில் செய்ய கூடிய சாக்கலேட்... என்னுடைய தோழி Srividhya வீட்டில் தான் இதனை முதன்முதலாக சாப்பிட்டேன்..Coffee Bite Tasteயில் இருக்கும். அப்பறம் அம்மா, அவங்க அம்மாவிடன் Recipeயினை கேட்டு செய்தாங்க...சுமார் 20 வருடங்களுக்கும் மேலகாக எங்கள் வீட்டில் செய்யும் ஸ்வீட் இது.... எந்த ஒரு விசேஷம் என்றாலும் அம்மா உடனே செய்யும் recipe .இதனை 10 நிமிடங்களில் செய்துவிடலாம்..

இதில் முக்கியமாக தேவைப்படும் பொருள் பால் பவுடர், Cocoa Powder மற்றும் Butter.

நான் இதில் கொடுத்துள்ள Cocoa Powderயின் அளவில் செய்தால் Normal Chocolate Flavorயில் இருக்கும். Dark chocolate flavorயில் இருக்க விரும்பினால் Cocoa powderயின அளவினை 1 கப் + Milk Powder 1 & 1/2கப் என்று சேர்த்து கொள்ளவும்.

ஒவ்வொரு Brand , Milk powder & Cocoa Powderயினை பொருத்து Chocolateயின் சுவை இருக்கும்.நீங்களும் செய்து பார்த்துவிட்டு உங்கள் கருத்தினை தெரிவிக்கவும்.


சமைக்க தேவைப்படும் நேரம் : 10 நிமிடங்கள்
தேவையான பொருட்கள் :
  .  பால் பவுடர் - 2 கப்
  .  Cocoa powder - 1/2 கப்
  .  வெண்ணெய் - 1/2 கப் ( 1 stick of Butter about 4 oz )
  .  சக்கரை - 1 கப்
  .  தண்ணீர் - 3/4 கப்

செய்முறை :
  .  பால் பவுடர் + Cocoa Powder இரண்டியினையும் கலந்து சலித்து கொள்ளவும். (கவனிக்க : இப்படி சலிபப்தால் இரண்டும் நன்றாக கலந்துவிடும்.)


  .  கடாயில் சக்கரை + தண்ணீர் சேர்த்து ஒரு கம்பி பதம் வரும் வரை கொதிக்கவிடவும். (கவனிக்க : கண்டிப்பாக பாகு வரும் வரை கொதிக்கவிடவும். )


  .  பாகு வந்த பிறகு அதில் Room Temperature வெண்ணெயினை போட்டு அதனையும் சேர்த்து நன்றாக 1 - 2 நிமிடம் கலந்துவிடவும்.


  .  வெண்ணெய் நன்றாக உருகியதும், அதில் சலித்த பால்பவுடரினை சேர்த்து 1 - 2 நிமிடங்கள் சேர்த்து நன்றாக கிளறிவிடவும். (உடனே பால்பவுடரினை சேர்த்து கிளற வேண்டும் என்பதால் photo எடுக்கமுடியவில்லை...)


  .  ஒரு தட்டில் வெண்ணெயினை தடவி கொள்ளவும். அதில் கிளறிய கலவையினை கொட்டி சமபடுத்தவும்.

  .  5 நிமிடங்கள் கழித்து சிறிது ஆறியதும் , விரும்பிய வடிவத்தில் வெட்டி கொள்ளவும்.


  .  எளிதில் செய்ய கூடிய சாக்கலேட் ரெடி.


பள்ளிபாளையம் சிக்கன் - Pallipalayam Chicken - Chicken Recipes


print this page PRINT

மிகவும் குறைந்த பொருட்களுடன் செய்ய கூடிய ஈஸியான சிக்கன் வறுவல். இதன் Specialயே இதனை காய்ந்த மிளகாயில் தாளிப்பது தான்.

காய்ந்த மிளகாயினை இரண்டாக உடைத்து அதில் இருக்கும் விதைகளை நீக்கிவிடவும். அவரவர் காரத்திற்கு ஏற்றாற் போல மிளகாயினை சேர்க்கவும்.

இதற்கு குண்டு மிளகாயிற்கு பதிலாக நீட்டு மிளகாய் பயன்படுத்தலாம்... சின்ன வெங்காயம் தான் பயன்படுத்துவாங்க...அதற்கு பதில் பெரிய வெங்காயம் கூட பயன்படுத்தலாம், ஆனால் சுவையில் சிறிது வித்தியாசம் இருக்கும். 

பொதுவாக இதில் எந்த வித மசாலா தூள்களும் சேர்க்க மாட்டாங்க வெரும் மிளகாய் தூள் தான் சேர்ப்பாங்க ...ஆனால் நான் இதில் சிறிது சிக்கன் மசாலா சேர்த்து இருக்கின்றேன். 

அதே மாதிரி அவரவர் விருப்பதிற்கு ஏற்றாற் மாதிரி தேங்காயினை சிறிய பல் துண்டுகள் மாதிரியே அல்லது துறுவியே சேர்த்து கொள்ளலாம்.

கடைசியில் கருவேப்பிலை, கொத்தமல்லி சேர்த்தால் நன்றாக இருக்கும். இதே மாதிரி மட்டனில் செய்தாலும் ரொம்ப நன்றாக இருக்கும்.

சமைக்க தேவைப்படும் நேரம் : 30 நிமிடங்கள்
தேவையான பொருட்கள் :
  .  Boneless Skinless சிக்கன் - 1/4 கிலோ
  .  சின்ன வெங்காயம் - 10 - 12
  .  கருவேப்பிலை - 5 இலை
  .  தேங்காய் துறுவல் - 3 மேஜை கரண்டி (1/4 கப்யிற்கும் குறைவாக)
  .  கொத்தமல்லி - கடைசியில் தூவ

முதலில் தாளிக்க :
  .  எண்ணெய் - 1 மேஜை கரண்டி
  .  சோம்பு - 1/2 தே.கரண்டி அல்லது சோம்பு தூள் - 1/4 தே.கரண்டி
  .  காய்ந்த மிளகாய் - 5 - 6
  .  பூண்டு - 4 பல் நசுக்கியது

சேர்க்க வேண்டிய தூள் வகைகள் :
  .  மஞ்சள் தூள் - 1/2 தே.கரண்டி
  .  மிளகாய் தூள் - 1/2 தே.கரண்டி
  .  சிக்கன் மசாலா - 1/2 தே.கரண்டி
  .  உப்பு - தேவையான அளவு

செய்முறை :
.   சின்ன வெங்காயத்தினை தோல் நீக்கி பொடியாக நறுக்கி கொள்ளவும். பூண்டினை நசுக்கி வைக்கவும்.

.   காய்ந்த மிளகாயினை இரண்டாக உடைத்து அதில் உள்ளே இருக்கும் விதைகளை நீக்கிவிடவும்.
(கவனிக்க : காரம் விரும்புவர்கள் அதிகம் விதைகள் நீக்க தேவையில்லை.)

.   கடாயில் எண்ணெய் ஊற்றி தாளிக்க கொடுத்துள்ள பொருட்கள் சேர்த்து தாளித்து அத்துடன் பொடியாக நறுக்கி வைத்துள்ள சின்ன வெங்காயத்தினை சேர்த்து வதக்கவும்.


.   வெங்காயம் சிறிது வதங்கியவுடன் அத்துடன் சிக்கன் + சேர்க்க கொடுத்துள்ள தூள் வகைகள் சேர்த்து நன்றாக கிளறி அத்துடன் சிறிது தண்ணீர் தெளித்து(சுமார் 2 மேஜை கரண்டி அளவு) அதனை தட்டு போட்டு மூடி வேகவிடவும்.


.   தேங்காயினை துறுவி கொள்ளவும். சிக்கன் நன்றாக வெந்த பிறகு துறுவிய தேங்காயினை இதில் சேர்த்து கிளறி மேலும் 3 - 4 நிமிடங்கள் வதக்கவும்.


.   கடைசியில் கருவேப்பிலை + கொத்தமல்லி தூவி விடவும். 


.   சுவையான சிக்கன் ரெடி. இதனை அப்படியே சாதத்துடன் சேர்த்து சாப்பிட்டால் நன்றாக இருக்கும். கலந்த சாதம், சாம்பார், ரசம் போன்றவையுடன் சாப்பிட சூப்பராக இருக்கும்.

பிரியாணி மசாலா தூள் - Homemade Biryani Masala Powder Recipe - Friendship 5 Series



print this page PRINT

இந்த பொடியினை பிரியாணி, க்ரேவி அல்லது வறுவல் செய்யும் பொழுது சேர்த்து கொள்ளலாம். 

இதிலேயே தனியா, மிளகாய் தூள் எல்லாம் சேர்ப்பதால் காரத்தினை பார்த்து சேர்க்கவும்.

இந்த பொடியினை அரைத்து சலித்து கொள்ளவும். நீங்களும் செய்து பார்த்து உங்கள் கருத்தினை தெரிவிக்கவும்...


பொடி செய்ய தேவைப்படும் நேரம் : 10 நிமிடங்கள்
தேவையான பொருட்கள் :
  .  தனியா - 1 கப்
  .  காய்ந்த மிளகாய் - 12 - 15
  .  மிளகு - 1/4 கப்
  .  சோம்பு - 1/4 கப்
  .  சீரகம் - 2 மேஜை கரண்டி
  .  ஏலக்காய் - 2 மேஜை கரண்டி
  .  கிராம்பு - 2 மேஜை கரண்டி
  .  பட்டை - 2 பெரிய துண்டு
  .  பிரியாணி இலை - 4 - 5
  .  வெந்தயம் - 1 தே.கரண்டி

செய்முறை :
  .  அனைத்து பொருட்களையும் கடாயில் போட்டு 1 - 2 நிமிடங்கள் வறுத்து கொள்ளவும்.


  .  வறுத்த பொருட்களை சிறிது நேரம் ஆறவைத்து அதனை மிக்ஸியில் போட்டு மைய அரைத்து கொள்ளவும்.
(குறிப்பு : இந்த பொடியினை விரும்பினால் சலித்து கொள்ளவும். நான் சலித்து கொள்ளவில்லை.)


  .  இப்பொழுது மசாலா பொடி ரெடி. இதனை பிரியாணி, க்ரேவி அல்லது வறுவல் செய்யும் பொழுது சிறிது சேர்த்தால் கூடுதல் சுவையுடன் இருக்கும்.


Linking this Post to ”Friendship 5 Series" Started by me & Savitha..


கேரளா சம்மந்தி பொடி - Chammanthi Podi Recipe - Kerala Podi Recipes - Friendship 5 Series


print this page PRINT

இது கேரளாவின் ஸ்பெஷல் பொடி. இந்த பொடியில் தேங்காயினை நன்றாக வறுத்து அதனுடைய ஈரபத்தினை நீக்கி பொடிப்பதால் இதனுடைய shelf-Life அதிகம்.

இதில் துறுவிய தேங்காயினை மெதுவாக அடிக்கடி கிளறிவிட்டு வறுக்க வேண்டும். கொஞ்சம் நேரம் கவனிக்கவில்லை என்றால தேங்காய் கருகிவிடும். அப்பறம் சுவையே மாறிவிடும்.

தேங்காயினை துறுவியவுடன் வறுக்காமல் அதனை சிறிது நேரம் (சுமார் 1 மணி நேரம் )காயவிட்டு பிறகு வறுத்தால் கொஞ்சம் சீக்கிரமாக(சுமார் 30 நிமிடங்களில்) வேலை முடிந்து விடும்.

Original பொடியில் கண்டிப்பாக சின்ன வெங்காயம், இஞ்சியினை சேர்ப்பாங்க.. நானும் அதே மாதிரி சேர்த்து செய்தேன்..மிகவும் சுவையாக இருந்தது..இதில் வெங்காயம் சேர்த்த மாதிரியே தெரியாது.

இதில் புளிப்பு, காரம், வறுத்த தேங்காய் என்று இதனுடைய சுவை சூப்பராக இருக்கும். நீங்களும் செய்து பார்த்துவிட்டு உங்கள் கருத்தினை தெரிவிக்கவும்..


சமைக்க தேவைப்படும் நேரம்: 30 - 40 நிமிடங்கள்
தேவையான பொருட்கள் :
.  தேங்காய் - 1
 சின்ன வெங்காயம் - 5 - 6
 இஞ்சி - சிறிய துண்டு
 கருவேப்பில்லை - 10 இலை
 காய்ந்த மிளகாய் - 6 - 8(காரத்திற்கு ஏற்ற சேர்த்து கொள்ளவும்.)
 வெந்தயம்- 1/4 தே.கரண்டி
 தனியா - 2 மேஜை கரண்டி 
 மிளகு - 6 (விரும்பினால் சேர்க்கவும்)
 புளி - சிறிய நெல்லிக்காய் அளவு
 உப்பு - தேவையான அளவு

செய்முறை :
 தேங்காயினை உடைத்து சிறிய துண்டுகளாக வெட்டி கொள்ளவும். அதில் உள்ள அடிபாகத்தினை நீக்கி வெள்ளை பகுதியினை மட்டும் தனியாக வைக்கவும்.

 மிக்ஸியில் இந்த துண்டுகளை போட்டு Pulse Modeயில் 2 - 3 முறை அரைத்தால் துறுவிய தேங்காய் மாதிரி கிடைக்கும். (குறிப்பு : விரும்பினால் இதற்கு பதில் நாமே தேங்காயினை துறுவிகொள்ளலாம்.)


 கடாயில் வெந்தயம் + தனியா + மிளகு + காய்ந்த மிளகாயினை ஒன்றாக சேர்த்து வறுத்து தனியாக வைத்து கொள்ளவும்.

 இப்பொழுது Medium Flameயில் துறுவிய தேங்காயினை சேர்த்து வறுக்கவும். (கவனிக்க : தேங்காய் கருகிவிடாமல் அடிக்கடி கிளறிவிட்டு வறுக்கவும்.)


 சுமார் 12 -  15 நிமிடங்கள் கழித்து பார்த்தால் தேங்காய் 60 % வறுப்பட்டு இருக்கும்.  அப்பொழுது சின்ன வெங்காயத்தினை அத்துடன் சேர்த்து மேலும் 8 - 10 நிமிடங்கள் Medium Flameயில் வதக்கவும்.


 கடைசியில் அத்துடன் கருவேப்பிலை + வறுத்து தனியாக வைத்துள்ள பொருட்கள் சேர்த்து சிறிது நேரம் ஆறவிடவும்.

 மிக்ஸியில் வறுத்த பொருட்கள் + புளி + உப்பு சேர்த்து பொடித்து கொள்ளவும்.


 சுவையான சம்மந்தி பொடி ரெடி. இதனை சாதம், தயிர் சாதம், இட்லி, தோசை போன்றவையுடன் சேர்த்து சாப்பிட சுவையாக இருக்கும்.



Linking this Post to ”Friendship 5 Series" Started by me & Savitha..


Related Posts Plugin for WordPress, Blogger...